وزیراعظم شہباز شریف نا بلوچستان اٹی دہشت گرد آتا برخلاف سرسہب کارروائی آ سکیورٹیفورس آتے خراج تحسین

اسلام آباد۔ 09 ستمبر (اے پی پی)وزیراعظم محمد شہباز شریف بلوچستان اٹی دہشت گرد آتا برخلاف سرسہب کارروائی آ سکیورٹیفورس آتے خراج تحسین پیش کرسا پارینے کہ بھارتی سرپرستی ٹی مروک آ دہشت گردیءِ پورو چٹفنگک ۔ چارشنبےنادے آداڑے وزیراعظم آفس نا میڈیا ونگ آن جاری بیان اٹی وزیراعظم بھارتی سرپرستی ٹی متحرک 11 دہشت گرد آتے خلنگ آ سکیورٹیفورس آتا وخت آ و گچین  کارروائی نا ستاءِ کرے۔ وزیراعظم خاران اٹی سڑک ءِ بند کرسا ہن و بر ءِ زہمی کننگ نا کوشست ءِ بے سہب جوڑ کننگ، واشک اٹی دہشت گرد آتا ٹھکانہ ءِ بھس کننگ و 2.9 ٹن دھماکہ خیز مواد دوئی کننگ آ فورس آتا کسبی لائخی تا ستاءِ کرے۔ وزیراعظم شہباز شریف پارے کہ دہشت گرد و اوفتا کمک کروک آتا ناپاک عزم ءِ اسُل سرسہب مننگ کن الیپنہ و بھارتی سرپرستی ٹی مروک آ دہشت گردیءِ پورو چٹفنگک ۔ او پارے کہ فتنہ الخوارج و ایلو دہشت گرد زموارآتا برخلاف کارروائی پورو واک اتون برجاسلک ۔