زرراہی تس اٹیپدریسہ ودکی آن پاکستان نا پیشن نا کھاتہ غاتے سیبو ملنگ ءِ ، خرم شہزاد

اسلام آباد۔ 09 ستمبر (اے پی پی)بنجائی وزیر خزانہ نا سلاہکار خرم شہزاد پارینے کہ زرراہی تس اٹی پدریسہ ودکی آن پاکستان نا پیشن نا کھاتہ غاتے سیبو ملنگ ءِ و ملکی زر مبادلہ نا کوڑی تیا ہم مثبت اثرتمنگ ءِ ۔ چارشنبے نادے آداڑے جاری بیاناٹی او پارے کہ پاکستان ءِ برجامالی سال 27-2026 نا اولیکو اِرا تُو اٹی پیشن نا ملک رہینگوک پاکستانی تا کنڈآن جم وڑاٹ 7.29 ارب ڈالر نا زرراہی تس دوئی مسنے ہراکہ تدوک آ مالی سال نا ہنداوخت انا مقابلہ ٹی 14.7 درسد زیات ءِ۔ اگست 2026 ٹیزرراہی تس نا کچ 3.656 ارب ڈالر ئس ہرا اگست 2025 نا مقابلہ ٹی 16.5 درسد وخت اس کہ جولائی 2026 نا مقابلہ ٹی 0.7 درسد زیات ءِ۔ او پارے کہ تدوک آ مالی سال آنباربرجامالی سال اٹی ہم زرراہی تس اٹی ودکی نا رجحان برجاءِ، تدوک آ مالی سال اٹی زر راہی تس نا کچ 41.6 ارب ڈالر ریکارڈ کننگاسس۔ او پارے کہ زرراہی تس لکھ آ پاکستانی خاہوت آتا کٹیانا اہم ذریعہ مننگ آن بیدس ملک انا پیشن نا ادائیگی تا لائخی و پیشن نا بشخ آتا جم سوگوی ٹی ہم اہم کڑد ادا کیک۔ زرراہی تس نا سوگو بہاؤآن پاکستان نا پیشن نا مالیاتیزوراٹی کمتی، زر مبادلہ نا بفرز آتیٹیگچینی و زرگزران اٹیپیشن نا لوڈو تے سگنگ نا لائخی پین سوگو مننگ نا اومیتءِ ۔