بنجائی وزیر داخلہ اپ گریڈڈآبپارہ تھانہ نا بناءِ کرے

اسلام آباد۔ 09 ستمبر (اے پی پی)بنجائی وزیر داخلہ محسن نقوی دارالحکومت نا تھانہ غاتے پوسکن آ وڑتیاہم گرنچ کننگ نا ڈٹ انا رداٹ، پوسکن تفنگ آن پد آبپارہ تھانہ نا باقاعدہ بناءِ کرے۔ دا وخت آ آئی جی، ڈی آئی جی، ایس ایس پی آپریشنز و ایلو بڑزکو پولیسآفیسرآک ہم ساڑیئسر۔ بناء آن پد وزیر داخلہ تھانہ نا جتا جتا بشخ آتون اوار ایس ایچ او آفس، ڈی آر سی، انکوائری آفس و ویٹنگ ایریانا معائنہ ءِ کرے۔ کاؤنٹر آتیا شاری تے فراوان کروک آآسراتی تا جاچ ءِ ہلسا است جمی نا درشانیءِ کرے۔ او ڈسپیوٹ ریزولوشن کمیٹی نا باسک آتون اوڑدہی کرسا اوفتا کڑد انا ستاءِ ہم کرے۔ محسن نقوی پولیسآفیسرآتے پارت کرسا پارے کہ دا ڈٹ انا بنداوی مسخت الس ءِ پوسکن ، باوقار و الس دوست پولیسنگ نا چاگڑد اس فراوان کننگ ءِ ۔ او پارت کرے کہ سُوالی تا داد رسی ٹی ہچ ءُ کسر اس ہلنگپ، شاری تا درخواست آتیابے تاخیر کارروائیءِ پک کننگے، ایف آئی آر نا اندراج اٹ ہچ کس ءِ مشکل آتون مون تروئیمف و تھانہ غاتیٹی بروک آ ہر شاری تون جوانی و زموارانہ رویہ اختیار کننگے۔