سیکورٹی فورس آتا بلوچستان اٹ فتنہ الہندوستان نا دہشت گرد آتا برخلاف کارروائی،11 دہشت گرد خلنگار

راولپنڈی۔ 09 ستمبر (اے پی پی)سیکورٹی فورس آک بلوچستان نا ضلع خاران و واشک اٹ بھارتی پراکسی فتنہ الہندوستان نا دہشت گرد آتا برخلاف کارروائی تا وخت آ 11 دہشت گرد آتے خلکر۔ چارشنبے نادے آپاک فوج انا شعبہ تعلقات عامہ (آئی ایس پی آر) نا بیان نا رداٹ سیکورٹی فورس آک 6 و 7 ستمبر 2026 آ بلوچستان نا ضلع خاران و واشک اٹ بھارتی پراکسی فتنہ الہندوستان تون وابستہ دہشت گرد آتا ساڑی مننگ نا حوال آ انٹیلی جنس بیسڈ آپریشن کریرہراٹی بھارتی سرپرستی ٹی متحرک 11 دہشت گرد آتے خلنگا۔ 6 ستمبر آ دہشت گرد آک خاران اٹ سڑک ءِ بند کرساہندی ٹریفک اٹ اڑاند شاغنگ نا کوشست کریر،سیکورٹی فورس آک وخت آ کارروائی کرسا دہشت گرد آتے توریر و گچین وڑ اٹ شست کریر ہراڑآن بھارتی سرپرستی ٹی متحرک 8 دہشت گرد خلنگار۔ 7 ستمبر آ اسہ پین کارروائی اسے ٹی ضلع واشک اٹ دہشت گرد آتا ساڑی مننگ نا حوال آ ڈٹ بندینا رداٹ انٹیلی جنس بیسڈ آپریشن کننگا ہرا ٹی سیکورٹی فورس آک دہشت گرد آتا ٹھکانہ غاتے گچین وڑ اٹ بھس کریر،اسہ ایلو آ سم کاری آن پد 3 دہشت گرد خلنگار۔ داکان بیدس،سیکورٹی فورس آک 2.9 ٹن دھماکہ خیز مواد ہم دوئی کریر ہرا دیسی ساختہ دھماکہ خیزازباب آتا تیاری کن کاریم اٹ اتنگاسر، علاقہ ٹی ساڑی بھارتی سرپرستی ٹی متحرک ایلو دہشت گرد آتا چٹفنگ کن کلیئرنس و سینیٹائزیشن آپریشنبرجاءِ۔ آئی ایس پی آر پارینے کہ بنجائی ایپکس کمیٹی نیشنل ایکشن پلان نا منظوریآن ’’عزمِ استحکام‘‘ نا وژن نا رداٹ سیکورٹی فورس و کانود نافذ کروک آ ادارہ غاتا کنڈآن ملک آن درملکی سرپرستی و مخ تف دہشت گردی نا ناسور نا پورو چٹفنگ کن بے پرخ و پدریسہ انسدادِ دہشت گردی مہم پورو رفتار اٹ برجاسلک ۔