شاہ اللہ دیتا ڈیجیٹل ہیلتھ کلینک ءَ نوکیں ٹیکنالوجی ءِ وسیلگ ءَ شہری آناں وتی در ءِ دپ ءَ  جان سلامتی ءِ آسراتی پجاری کنگ بیت، مصطفیٰ کمال

اسلام آباد۔9ستمبر  (اے پی پی):وفاقی جان سلامتی ءِ وزیر مصطفیٰ کمال ءَ گوشت کہ شاہ اللہ دیتا ڈیجیٹل ہیلتھ کلینک ءِ جوڑ بوھگ ءَ گوں نوکیں ٹیکنالوجی ءِ وسیلگ ءَ شہری آناں جان سلامتی ءِ آسراتی پجاری کنگ بنت ءُ آھاں ھمک کسانیں دوا ءُ درمان ءِ لوٹ ءِ واستہ پمز یا پولی کلینک ءَ روگ ءِ ضلورت نہ بیت۔ آئی ءَ اے گپ چار شمبے ءِ روچ ءَ شاہ اللہ دیتا ڈیٹا ہیلتھ کلینک ءِ بنگیج ءِ مراگش ءَ گوں تران کنان ءَ کت۔ آئی ءَ گوشت کہ نوکیں ٹیکنالوجی ءِ وسیلگ ءَ جان سلامتی ءِ آسراتی شہری آنی دپ ءَ آرگ بوھگ ءَ انت، نوں دوریں دمگ آنی نادراہ آناں ھمک کسانیں دوا ءُ درمان ءِ لوٹ ءِ واستہ پمز یا پولی کلینک ءَ روگ ءِ ضلورت نہ بیت۔ وزیر ءِ جان سلامتی ءَ گوشت کہ شاہ اللہ دیتا اسلام آباد ءِ یک میتگے ءُ اسلام آباد ءَ چہ ادا سر بوھگ ءَ نزیک ءَ 40منٹ ءِ وھد لگ ایت۔ اگاں ادا یک شہری یے ءَ ہنگامی دوا ءُ درمان ءِ زلورت بہ بیت گڑا ہسپتال ءَ سر بوہگ ءَ کم چہ کم 45 منٹ لگ ایت۔ مصطفیٰ کمال ءَ گوشت کہ اے دہمی میڈیسن کلنکر انت کہ شاہ اللہ دیتا ءَ جوڑ کنگ بیت ءُ اے منصوبگ ءِ اولی بھر سرجم کنگ بوتگ۔ دیناز ءِ ماہر ڈاکٹر ادا آن لائن دستیاب بنت وھدے کہ پنچ جتا جتائیں پڑ ءِ ماہرین ہفتگ ءِ دو روچ ءَ آن لائن نادراہ آناں طبی مشورہ دنت۔ آئی ءَ گوشت کہ ڈاکٹر ءَ نادراہ ءَ را اسکرین ءِ سر ءَ گندگ ءِ وس ءُ واک بیت، نادراہ ءِ نبض ءِ شرح ءُ دگہ ھاسیں طبی زانتکاری ھمے وھد ءَ آن لائن ڈاکٹر ءَ دست کپ اَنت، ما دوری ھلاس کتگ، روچ ءِ ماہریں ڈاکٹر ءَ را ادا آیگ ءُ نندگ ءِ ھچ ضلورت نہ اِنت۔ وفاقی وزیر ءَ گوشت کہ حکومت ءَ دگنیا ءِ نوکیں لوٹ آناں وتی کنان ءَ جان سلامتی ءِ شوبگ ءَ دیمروئی ٹیکنالوجی ءِ کارمرد کنگ بندات کتگ، وزارت جان سلامتی ءَ سہات کاہانی ءِ گوما یک مفاہمت نامہ ءِ سر ءَ دستخط کتگ، ایشی ءِ وسیلگ ءَ ھزاراں نادراہ آناں علاج کنگ بوتگ۔ آئی ءَ گوشت کہ دگنیا ءِ جتا جتائیں دمگ آنی ماہریں ڈاکٹر ادا نشتگیں نادراہ آناں الاج ءُ مشورہ کنگ ءَ انت، نوں نادراہ ءَ را وتی گس ءِ دپ ءَ روچ ءِ جوانیں ڈاکٹر ءِ رسائی است انت۔ مصطفیٰ کمال ءَ جار جتگ کہ اولی فیزیکل ءَ پد دیم ءِ بھر ءَ گیش میڈیکل کلینک جوڑ کنگ بنت۔ اسلام آباد ءِ 28بنیادی جان سلامتی ءِ یونٹ ھم تیجا میڈیکل ءِ آسراتی ءَ گوں ھوار کنگ بنت۔ آئی ءَ گوشت کہ تیجا میڈیکل کلینک آنی کار ءِ وھد ھم گیش کنگ بوتگ تانکہ گیش ءَ چہ گیش شہری اے آسراتی ءَ چہ سیت چست بہ کن اَنت۔ وفاقی وزیر جان سلامتی ءَ گوشت کہ گوستگیں 14ماھ آنی تہ ءَ وزارت جان سلامتی ءِ نیمگ ءَ کتگیں کار گوستگیں 30سال آنی تہ ءَ کنگ نہ بوتگ، گوستگیں 14ماھ آنی تہ ءَ مئے کار گوستگیں 30سال آنی تہ ءَ کتگیں کار آنی تہ ءَ گیش اِنت۔ آئی ءَ گوشت کہ وھدے آئی ءَ وزارت جان سلامتی ءِ زمہ واری زرتگ گڈا اسلام آباد ءِ اسپتال آنی تہ ءَ 2126بستر ءِ گنجائش بوتگ، حکومت ءَ ایشی ءِ تہ ءَ 2500 نوکیں بستر گیش کتگ۔ مصطفیٰ کمال ءَ گوشت کہ سرکار ءَ سہات سہولت کارڈ ءِ فائل دوبر چالو کتگ، نوں اسلام آباد ءِ 15 پرائیویٹ اسپتال آنی تہ ءَ شہری مفت ءَ الاج رس ایت ءُ اے الاج ءِ ھرچ ءُ درچ ءَ پاکستان ءِ سرکار وتی زمہ واری ءَ زوریت۔ آئی ءَ گوشت کہ استیں ہسپتال آنی گنجائش ءَ 100درسد ءَ چہ گیش گیشی بیت۔ اگاں سرکار نوکیں نادراھجاہ جوڑ کنگ ءِ ھاترا شتگ ات گڑا اے کار ءَ 25 سال لگ اتگ ات بلے استیں آسراتی آناں گیش کنگ ءَ چہ کمیں وھد ءِ تہ ءَ لس مھلوک ءَ را گیش طبی آسراتی رس ایت۔ وزیر جان سلامتی ءَ گوشت کہ پمز ءِ نوکیں ایمرجنسی وارڈ آیوکیں 10 روچ آنی تہ ءَ کار کنگ ءَ انت۔ اے ایمرجنسی وارڈ کہ 176 بستر ءِ سرا مشتمل انت آ دمگ ءِ مزنیں ایمرجنسی وارڈ بیت۔ آئی ءَ گوشت کہ حکومت ءِ مول ءُ مراد نوکیں ٹیکنالوجی، جوانیں انتظامی گامگیج ءُ استیں وسیلگ آناں جوانیں رنگ ءَ کارمرد کنگ ءِ وسیلگ ءَ اسلام آباد ءِ شہری آناں معیاری ءُ وھد ءِ سر ءَ طبی آسراتی پجاری کنگ اِنت۔