اسلام آباد۔9ستمبر (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوستگیں شپ ءَ مصر ءِ دری کارانی وزیر ڈاکٹر بدر عبدالعاطی ءَ گوں ٹیلی فون ءِ سر ءَ گپ ءُ تران کت ایشی ءِ ساھت ءَ آئی ءَ دو نیمگی سیادی آناں گیش گیش کنگ ءِ واستہ وتی جزم ءِ درشان کتگ۔ چار شمبے ءِ روچ ءَ درئی کارانی کارگس ءِ نیمگ ءَ جاڑی …
نائب مزن وزیر ءَ مصر ءِ دری کارانی وزیر ءَ گوں ٹیلی فون ءِ سر ءَ گپ ءُ تران کت، دو نیمگی سیادی ءَ را گیش گیش کنگ ءِ جزم ءِ درشان
گیشتریں ھال
اسلام آباد۔9ستمبر (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوستگیں شپ ءَ مصر ءِ دری کارانی وزیر ڈاکٹر بدر عبدالعاطی ءَ گوں ٹیلی فون ءِ سر ءَ گپ ءُ تران کت ایشی ءِ ساھت ءَ آئی ءَ دو نیمگی سیادی آناں گیش گیش کنگ ءِ واستہ وتی جزم ءِ درشان کتگ۔ چار شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون آں گپ ءُ تران ءِ ساھت ءَ دو نیمگی سیادی آنی سر ءَ چار ءُ تپاسی کتگ ءُ دوئیں ملک آنی نیام ءَ دوستی ءُ براتی سیادی آناں گیش مھکم کنگ ءِ واستہ وتی جزم ءِ پدا زور داتگ۔ دمگی جاور ھال ءُ دمگی جیڈھ آنی سر ءَ دمگی شور ءُ سلاھ ءِ ضلورت ءِ سر ءَ ھیال ءُ لیکہ ءِ درشان کت، ایشی ءِ تہ ءَ دمگی چار (R4) ءِ دری کارانی وزیر آنی وسیلگ ءَ سعودی عرب ءُ ترکی ءِ گوما شور ءُ سلاھ ھوار اِنت۔ دوئیں رہشوناں اقوام متحدہ ءِ جنرل اسمبلی ءِ آیوکیں دیوان ءِ درگت ءَ نیویارک ءَ گند ءُ نند کنگ ءِ سرا ہم تپاک کتگ۔
