کشت ءُ کشاری، ایس ایم ایز ءُ ہاؤسنگ سیکٹر ءَ را وام دیگ ءِ واستہ بینک ءُ مالیاتی ادارگ وتی کرد ءَ پیلو بہ کن اَنت، محمد شہباز شریف

اسلام آباد۔9ستمبر  (اے پی پی): مزن وزیر محمد شہباز شریف ءَ کشت ءُ کشاری ءَ را بے رکاوٹ ءُ آسانیں شرط آنی سر ءَ مالیاتی وسیلگ آنی تہ ءَ رسگ ءِ پنت ءُ شون کتگ ءُ گوشت کہ کشت ءُ کشاری، ایس ایم ایز ءُ ہاؤسنگ سیکٹر ءَ را وام پجارینگ ءِ واستہ بینک ءُ مالیاتی ادارگ وتی کرد ءَ پیلو بہ کن اَنت۔ چار شمبے ءِ روچ ءَ مزن وزیر محمد شہباز شریف ءِ سروکی ءَ ایکسس ٹو فنانس پلان 2026-28 ءِ ھوالگ ءَ دیوان برجم دارگ بوت، ایشی ءِ تہ ءَ مزن وزیر وتی گس اسکیم،  کشت ءُ کشاری ءُ ایس ایم ای شوبگ آنی دیمروئی ءِ واستہ فنانسنگ ءِ ھوالگ ءَ جاری گامگیج آنی سر ءَ چار ءُ تپاسی کنت۔ مزن وزیر محمد شہباز شریف ءَ گوشت کہ کشت ءُ کشاری، ایس ایم ایز ءُ ہاؤسنگ سیکٹر ءَ را وام ءِ پھجارینگ ءَ بینکنگ ءُ مالیاتی ادارگ وتی کرد ءَ پیلو بہ کن اَنت ءُ حکومت ھما مردمانی دلبڈی ءَ کنت کہ آ بینک ءِ وام ءِ پھجاری ءِ تہ سرجمیں کرد ءَ پیلو کن اَنت۔ آئی ءَ گوشت کہ کشت ءُ کشاری ءِ شوبگ ملکی معیشت ءِ ریڑھ ءِ ھڈ اِنت، ایشی ءِ دیمروئی ءِ واستہ کار کنگ راجی ذمہ واری اِنت۔ مزن وزیر ءَ کشت ءُ کشاری ءَ را پنت ءُ شون کت کہ آ ہچ وڑیں رکاوٹ ءُ آسانیں شرت آنی سر ءَ مالی وسیلگ آناں رسگ ءَ بہ بنت۔ آئی ءَ گوشت کہ کم آمدنی ءُ میاں اوستمانی ھاندان آنی واستہ ارزانیں گس آنی پجاری مئے اولی ترجی انت۔ صوبائی چیف سیکرٹری آناں جائیداد آنی سر ءَ یک سرجمیں سروے کنگ لوٹ ایت تانکہ بینک ”مزن وزیر ءِ وتی گس اسکیم“ ءِ چیر دستی ءَ ھما مردماں وام دات کن اَنت کہ آ وتی لوگ ءِ واھند بوھگ لوٹ اَنت۔ گند ءُ نند ءَ ہاؤسنگ، کشت ءُ کشاری ءُ ایس ایم ای ءِ شوبگ ءِ مالی کمک ءِ واستہ کتگیں گامگیج آنی بابت ءَ سرپدی دیگ بوت۔ بریفنگ ءَ چہ گوشگ بیت کہ مزن وزیر ءِ وتی گس  اسکیم ءِ رد ءَ تاں انوگ ءَ 147504 درخواست رستگ انت ایشی ءِ تہ ءَ 53127 درخواست منظور کنگ بوتگ انت۔ اے اسکیم ءِ رد ءَ منظور بوتگیں درخواست آنی کلیں کساس 313.42ارب کلدار اِنت، وھدیکہ 8739درخواست گزار آناں 45.43ارب کلدار ءِ وام داتگ۔ سرجمیں ملک ءَ یک نظامے بندات کنگ بوھگ ءَ اِنت کہ آ ھما پلاٹانی پجارینگ ءَ بہ کنت کہ آ  نندگ ءِ شرطاں پیلو کن اَنت کہ ایشی ءِ پائلٹ اسلام آباد ءَ چہ بیت۔ وتی گس اسکیم  ءِ سرا ،  عمل ءَ را گیش یکجا کنگ ءِ ھاتر ءَ یک جوانیں میکانزم ءِ جوڑ کنگ بیت کہ اے عمل ءَ سروکیں ہاؤس ڈویلپرز ءَ را ہوار کنگ بہ بیت۔ بینک آنی نیمگ ءَ چہ زراعت ءِ شوبگ ءَ را کریڈٹ ءِ کساس اگست 2026ءَ تاں 1.268کرب کلدار بوتگ وھدیکہ جون 2028 ءَ تاں 2کرب کلدار ءِ ٹارگٹ ایکسیس ٹو فنانس پلان 2026-2028 ءِ چیر دستی ءَ ایر کنگ بوتگ۔ ای ایپ ءِ وسیلگ ءَ آسانیں وام ءِ واستہ 35838 درخواست رستگ ات ایشی ءِ واستہ 7.35ارب کلدار منظور کنگ بوتگ ات ایشی ءِ تہ ءَ 1.96ارب کلدار وام ءِ بھر ءُ بانگ کنگ بوتگ۔ اگست 2026 ءَ تاں بینک آنی نیمگ ءَ ایس ایم ای سیکٹر ءَ را وام ءِ کساس 1.067 کھرب کلدار بوتگ وھدے کہ ایکسیس ٹو فنانس پلان 2026-2028 ءِ رد ءَ اے وام آنی ٹارگٹ جون 2028 ءَ تاں 2 کھرب کلدار ایر کنگ بوتگ۔ گْوستگیں سئے ماہ ءَ بوتگ۔ گند ءُ نند ءَ نائب مزن وزیر ءُ درئی کارانی وزیر خارجہ محمد اسحاق ڈار، وفاقی وزرا   احد خان چیمہ، رانا تنویر حسین، محمد اورنگزیب، ریاض حسین پیر زادہ، وزیر مملکت بلال اظہر کیانی، مشیر وزیراعظم ہارون اختر خان، گورنر سٹیٹ بینک جمیل احمد، چاروں صوبوں اور آزاد جموں و کشمیر اور گلگت بلتستان کے چیف سیکرٹریز، IBRD کی کنٹری ڈائریکٹر بولورما امگآبزر، پاکستانی بینک آنی صدر ءُ سی ای او ءُ سیادی داروکیں مزنیں سرکاری کارندہ اے موہ ءَ ساڑی اتنت۔