بنجائی وزیرواپارجام کمال خان 8 آن 11 ستمبر اسکان ہانگ کانگ نا دورہ ءِ کیک

اسلام آباد۔ 08 ستمبر (اے پی پی)بنجائی وزیرواپار8 آن 11 ستمبر اسکان ہانگ کانگ نا دورہ ءِ کیک۔ وزارت واپارنا ترجمان نا رداٹ بنجائی وزیرواپارجام کمال خان بیلٹ اینڈ روڈ سمٹ اٹ پاکستان نا نمائندگی ءِ کیک و سمٹ آن خصوصی تران و اہم سیشن تیٹی بشخ ہلیک ۔ دورہ نا وخت آ جام کمال خان ہانگ کانگ و جتا جتا ملک آتا بڑزکو سروک و کمامدارآتون اوڑدہی کیک۔ داکان بیدسپنی آکاروباری ادارہ و زرکار آتون ہم اوڑدہی کیک۔ ترجمان نا پاننگ ءِ کہ اوڑدہی تیٹی پاکستان نا واپارنا مون آ دننگ و پوسکن آ زرکاری نا گمان آتیا گپ وتران مریک۔ دورہ نا وخت آ جام کمال خان ہانگ کانگ اٹ رہینگوک آ پاکستانی کمیونٹی تون ہم اوڑدہی کیک۔ دورہ نا مسخت جہانی شریدارآتون پاکستان نا اقتصادی تعلقدار ی تے پین سوگو کننگ ءِ۔