پاک بحریہ نا بہادر گلزادہ غاتے سلام، 8ستمبر اوفتا عظیم قربانی، شجاعت و بے مثل کارنامہ غاتا یاتترفک، محسن نقوی

اسلام آباد۔ 08ستمبر (اے پی پی)بنجائی وزیرِ داخلہ محسن نقوی نیوی ڈے انا وخت آ پاک بحریہ نا آفیسر و ورناتے شاندار خراجِ تحسین پیش کرسا پارینے کہ 8ستمبر پاک بحریہ نا بہادر گلزادہ غاتاعظیم قربانی، شجاعت و بے مثل کارنامہ غاتا یاتترفک۔ وزیرِ داخلہ تینا خصوصیکلہو اٹ پارے کہ پاک بحریہ نا جانباز آتا کسبی لائخی ، بہادری و قربانیک قوم اکن گمرنا سوب ءُ و مچ آ قوم تینا غازی و شہید آتے سلام پیش کیک۔ او پارے کہ 8ستمبر 1965ء نا دے پاک بحریہ نا تاریخ ساز سرسہبی تا روشنا بشخ ءِ ہراتم بحریہ نا شیر دل ورناک تینا سمندریسیم تاناقابلِ تسخیر دفاع ءِ کرسا تاریخاس نوشتہ کریر۔ محسن نقوی آپریشن دوارکا نا ذکر ءِ کرسا پارے کہ دا تاریخی معرکہ ٹی پاک بحریہ دُشمن نا غرور ءِ مش تا کرے و 1965نا جنگ اٹ مخالف ءِ دندان شکن ورندی تس۔ او پارے کہ معرکہ حق اٹ پاک بحریہ نا چوکسی و چاق و چوبند تیاری نا سوب آن ہی دُشمن کراچی آ جلہو کننگ نا جیرت کننگ کتو ۔ بنجائی وزیرِ داخلہ پارے کہ پاک بحریہ ملکی سمندریدنگ انا اصل رکھوک ءِ و اونا ورناک ہر آزمائشت و چیلنج اٹ ملکی دفاع ءِ سوگو کریر۔ او پارے کہ پاک بحریہ نا پوسکن جنگیلائخی و بڑزکو کسبی آب نئے بیرہ ستاکڑزوک ءِ بلکن پاک بحریہ نا شہید آتاعظیم قربانیک مچ آ قوم انا بیش قیمتمیرات آک ءُ ہرافتے اسُل است آن دننگ مفک ۔