پاک چین سفارتیتعلقداری نا 75 میسال دے انا وخت آ پیکنگیونیورسٹی ٹی جہانی علمی سمپوزیم

بیجنگ۔ 07 ستمبر (اے پی پی)چین و پاکستان نا نیام اٹ سفارتیتعلقداری نا جوڑ مننگ نا 75 میسال دے انا وخت آ جہانی علمی سمپوزیم پیکنگیونیورسٹی ٹی مس، ہراٹی ہڑتوم آ ملک آتا کم و ود 100 سکالرز، تھنک ٹینک نا پولکار، سفارتکار و کاروباری نمائندہ غاک بشخ ہلکر۔ چین اٹ پاکستان نا سفیر خلیل ہاشمی 4 آن 7 ستمبر 2026 اسکان پیکنگیونیورسٹی ٹی اڈ ہلوک چین پاکستان سفارتیتعلقداری نا جوڑ مننگ نا75 میسال دے انا بابت جہانی علمی سمپوزیم آن تران کرسا چین و پاکستان نا نیام اٹ ترندی اٹ ودوک آ کاروباری رابطہ غاتا جاچ ءِ ہلسا پارے کہ تدوک آ اِراسالاٹی چین و پاکستان نا کاروباری ادارہ غاتا نیام اٹ 22 ارب ڈالر آن زیات مالیت نا معاہدہ غاتا دستخط مس۔ دا معاہدہ غاتیانکم و ود 30 درسد، یعنیکم وود 7 ارب ڈالر، کاروباری ادارہ غاتا گدریفنگ نا بابت کوشست آتتون گنڈوک ئسر، ٹیکنالوجی ہم ہڑتوم آ کنڈآتا کمکاری ٹی ترندی اٹ اہم کڑد ادا کننگ ءِ۔ خلیل ہاشمی پارے کہ تدوک آ اِراسال انا وخت اٹی پاکستان سٹڈیز نا چار پوسکن ءُ ہندشین ژین، شان ڈونگ، ہانگ ژو و شینیانگاٹی جوڑ کننگانے۔ دا ہندآتا چکار روایتی پاکستان سٹڈیز پروگرام آتیان جتا ءِ و کیمیکل ٹیکنالوجی و مصنوعی ذہانت تون اوار ٹیکنالوجی نا بابت بشخ آتیا زیاتچکارتننگ انگ ءِ۔ چین نا قومی شونداری و اصلاحات کمیشن نا جہانی کمک نا ہند انا ایسوسی ایٹ ریسرچ فیلو ماؤ کِجی پارے کہ سبز منتقلیداسہ بیرہ کاربن اخراج اٹی کمتی نا ذریعہ اس اف بلکن دا رکھ انا اسہ میرات اس جوڑ مسنے۔ سویلی و دیکی دے ٹکی ایشیا نا 12 زرگزران آتا 2025 و 2026 نا تُوئی حساب وکتاب آتا آزموندہ ئی جاچ آن معلوم مس کہ ملک اسے نا درآمدی تیل و قدرتی گیس آ سیبو ٹی ہر 10 درسد ودکی نا نتیجہ ٹیتنکی اسے آن پد پد گرین انرجی نا درآمد اٹیکم و ود3.6 درسد وخت اس کہ برقی گاڑی تا درآمد اٹیکم و ود 7.9 درسد ودکی مس۔ مئی 2026 نا ایسراسکان پاکستان نا سولر پینل آتا جم درآمد 55,700 میگاواٹ،یعنی 55.7 گیگاواٹ آن زیات مسوسس، ہرا تدوک آ سال آتا، خاص کر 2023 و 2024 نا وخت اٹ سولر پینل آتا درآمد اٹی بروک آ غیر معمولی ترندی نا عکاسی ءِ کیک ۔