ریاض۔ 07 ستمبر (اے پی پی)جدہ ٹی پاکستان قونصلیٹ پاکستانی کمیونٹی تون اواری اٹ یوم دفاع آ دود اس اڈ تس ، ہراٹی 6 ستمبر 1965 نا جنگ اٹیسلہہ بند فوج انا قربانی تے تالان کننگا۔ اردو نیوزتدوک آدے پاکستان قونصلیٹ نا کنڈان جاری بیان نا بابت پارے کہ دود اٹیسلہہ بند فوج انا نمائندہ، کمیونٹی نا شخصیت آک و میڈیا تون وابستہ بندغ آک بھلو کچ اسے ٹی بشخ …
جدہ، پاکستان قونصلیٹاٹی یوم دفاع نا دود، سلہہ بند فوج انا قربانی تے تالان کننگا
ریاض۔ 07 ستمبر (اے پی پی)جدہ ٹی پاکستان قونصلیٹ پاکستانی کمیونٹی تون اواری اٹ یوم دفاع آ دود اس اڈ تس ، ہراٹی 6 ستمبر 1965 نا جنگ اٹیسلہہ بند فوج انا قربانی تے تالان کننگا۔ اردو نیوزتدوک آدے پاکستان قونصلیٹ نا کنڈان جاری بیان نا بابت پارے کہ دود اٹیسلہہ بند فوج انا نمائندہ، کمیونٹی نا شخصیت آک و میڈیا تون وابستہ بندغ آک بھلو کچ اسے ٹی بشخ ہلکر۔ دا وخت آ پاکستان نا صدر، وزیراعظم و وزیر خارجہ نا خاص کلہو آتے خوانسا بِنفنگا وخت اس کہ 1965 نا جنگ نا بارواٹ خاص ڈاکومنٹریاس ہم نشان تننگا ۔ دا وخت آ قونصل جنرل مصطفیٰ ربانی پاکستان نا سلہہ بند فوج انا بہادر ورناتا قربانی تے تالان کرے، ہرا ملک انا وتواجہی و علاقائی سالمیت نا دفاع کن مدام سوگو ی اٹ سلیسنو۔ او قومی چیلنجآتون مون تننگ و ملک انا مخ تف آتا بابت سیوت و عزم انا گرج آ زور شاغا۔ قونصل جنرل ملکی تاریخ و اینو نا وخت اٹی معرکہ حق بنیان مرصوص اٹی سلہہ بند فوج انا نمان سرسہبی تے تالان کرے و چیلنجآتا مون ءِ توننگ تون اوار سفارتکاری نا کمک اٹ پیس میکر نا کڑد ءِ ادا کننگ کن پاکستان نا بدل مفروک عزم انا ستاءِ کرے۔ دود اٹی حب الوطنی آ تالان تقریر آتا کمک اٹ قومیجوزہ و قومیگمرنا رنگ نمان ئس۔
