جنگ انا ہفت میکو دے، 7 ستمبر 1965 آ بھارت پاکستان ءِ جنگ انا دنگ ءِ دے ٹکی پاکستان اسکان ودفنگ نا دھڑکوتس

اسلام آباد۔ 07 ستمبر (اے پی پی)جنگ انا ہفت میکو دے، 7 ستمبر 1965 آ بھارت پاکستان ءِ جنگ انا دنگ ءِ دے ٹکی پاکستان اسکان ودفنگ نا دھڑکوتس ، دا دے 31 بھارتی جہاز بھس مسر و بھس مروک آ جہاز آتا کل کچ 53 مس۔ بھارتی ترجمان امنا کرے کہ بھارتی فوج نا لاہور، سلیمانکی، فیروزپور آ جلہو بے سہب مسنے و بھارت ءِ ہر پڑآ بھلو نسخان اسے تون مون تروک ءِ، 7 ستمبر آ 31 بھارتی جہاز بھس مسر و بھس مروک آ جہاز آتا کل کچ 53 مس، صدر ایوب خان پاک فضائیہ ءِ اونا شاندار کارکڑدآ خراج تحسین پیش کرے، صدر ایوب خان نا پاننگ ئس کہ بیرہ استصواب رائے ہی کشمیر اٹ امن اتنگ کیک، ترجمان کشمیر انقلابی کونسل بھارت ءِ خبڑدارکرے کہ کشمیری بھارتی ارادہ غاتے مش تا کیرہ ، پاک فوج انا کمانڈر ان چیف جنرل موسیٰ ریٹائرڈ فوجیآفیسرو سپاہی تے ڈیوٹیآحاضر مننگ نا پرمان کرے ، گورنر دے ٹکی پاکستان عبدالمنعم خان بھارت ءِ دھڑکو تس کہ دے ٹکی پاکستان اٹ جارحیت آ بھارت ءِ بدترین ءُ بھرم اس کنوئی تمک ، پاک بحریہ نا چیف ایڈمرل اے آر خان بحری فوج آتا پن کلہو اٹ پارے کہ قوم انا اومیتآتیاپورو سلر، پاکستان نیول شپس بابر، خیبر، بدر، جہانگیر، عالمگیر، شاہ جہاں و ٹیپو سلطان دُشمن ءِ اونا دنگ اٹ توریر۔ میجر جنرل اختر حسین ءِ کشمیر اٹ جوڑیاں سیکٹر اٹ شاندار بہادری نا درشانیءِ کننگ آ ہلالِ جیرت تننگا۔ صدر ایوب خان اقوامِ متحدہ نا سیکرٹری جنرل یوتھانٹ آن خواست کرے کہ کشمیریتتون کروک آ قول آتے پورو کننگے۔ پاکستان سکھ برادری ءِ باور کرفے کہ اوفتا مقدس ہند آتا حرمت ءِ ہر حال اٹ برقرار تخنگک۔