پاکستان جموں و کشمیر نا حیثیت نا بابت بھارت نا بے بنداو دعویٰ تے مسترد کیک، سجاد حیدر خان

اسلام آباد۔07ستمبر(اے پی پی)ترجمان دفتر خارجہ سفیر سجاد حیدر خان پارینے کہ پاکستان جموں و کشمیر نا حیثیت نا بابت بھارت نا بے بنداو دعویٰ تے پیدواروڑ اٹ مسترد کیک، ہرا جہانی وڑ اٹ تسلیم شدہ حقیقت آتا برخلاف ءُ۔ بھارت نا اسہ کنڈی گام گیج و پدریسہ غیر کانونی کوزہ جموں و کشمیر نا جہانی کہول آ امنا مروک جھیڑہ ئی حیثیت ءِ بدل کننگ کپک۔ بھارت نا وزارت خارجہ نا کنڈآن جھیڑہ ئی جموں و کشمیر نا نقشہ نا بابت جاری کروک بیان نا بابت میڈیا نا سوج آتا ورندی ءِ ترسا دوشنبے نادے آترجمان دفتر خارجہ پارے کہ جموں و کشمیر نا جھیڑہ اقوام متحدہ نا سلامتی کونسل نا ایجنڈا غا ساڑی متکن انگا ایسر نا چاری و جہانی کہول آ امنا مروک جھیڑہ غاتیاناسٹ ءِ ۔ تعلقدار اقوام متحدہ نا قرارداد آتیٹیپیدوار کننگانے کہ دا جھیڑہ نا گڈیکو فیصلہ سلامتی کونسل نا تعلقدار قرارداد و کشمیری الس نا است خواہی تا رداٹ کننگے، ہرانا درشانی ءِ اقوام متحدہ نا چاروکی ٹی آجو و بے کنڈ ہلوک استصواب رائے نا کمک اٹ مرے۔ ترجمان پارے کہ اقوام متحدہ نا سرکاری نقشہ ، ہرافتے ٹی جموں و کشمیر ءِ اسہ جھیڑہ ئی علاقہ اس ظاہر کننگانے ، اونا ساڑی آ کانودی حیثیت نا اسٹ انگا مستند نقشہ جاتی نمائندگیءِ ۔ بھارت نا پن اناسرکاری نقشہ و تینا جوڑ کروک آ وتواجہی نا دعویٰغاتاجھیڑہ ئی علاقہ نا حیثیت آ ہچ ءُ اثر اس تمپک ۔ ترجمان پارے کہ پاکستان جہانی برادری آ زور شاغک کہ او بھارت ءِ بھارتی غیر کانونی کوزہ ٹی جموں و کشمیراٹی انسانیحق آتا خلاف ورزی تے دمدستی وڑاٹ توننگ و کشمیری الس نا حقِ خود ارادیت نا دوئی کننگ کن تیناقول انا پورو کننگ آ آمادہ کے، ہرا تعلقدار اقوام متحدہ نا سلامتی کونسل نا قرارداد تا رداٹ ءُ۔