پاک فضائیہ نا جانباز آک وطن نا دفاع کن جیرت ، شجاعت و قربانی نا لازوال داستان آتے نوشتہ کریر، وزیراعلیٰ بلوچستان

کوئٹہ۔ 07 ستمبر (اے پی پی)وزیراعلیٰ بلوچستان میر سرفراز بگٹییومِ فضائیہ نا وخت آ پاک فضائیہ نا شاہین، شہید و غازیتے سلام پیش کرسا پارینے کہ وطنِ عزیز نا فضائیدنگ انا دفاع اٹ پاک فضائیہ نا خذمت، قربانی و کسبی لائخی قومی تاریخ نا ناقابلِ فراموش بشخ اسے ءُ ۔ تینا خصوصی کلہو اٹ وزیراعلیٰ پارے کہ راشد منہاس شہیدتون اوار پاک فضائیہ نا جانباز آک وطن نا دفاع کن جیرت ، شجاعت و قربانی نا لازوال داستان اس نوشتہ کریر۔ دا بہادر گلزادہ غاتا قربانی بروک آ چین تیکن عزم، حوصلہ و حب الوطنی نا روشنا استعارہ ءِ ۔ وزیراعلیٰ میر سرفراز بگٹی پارے کہ تدوک آ سال مئی ٹی معرکۂ حق انا وخت آ پاک فضائیہ تینا غیر معمولیکسبی مہارت، پوسکن آجنگی لائخی و بے مثال جیرت نا درشانی ءِ کرسا ملکی فضائیدنگ انا دفاع نا شاندار روایت ءِ پین سوگو کرے۔ پاک فضائیہ نا شاہین تا دا گچین و ستاکڑزوک کارکڑد مچ آ قوم انا کاٹم ءِ گمراٹ بڑز کر ے و اسہ وار ولدا پک کریرکہ پاکستان نا فضائیدنگ انا دفاع سوگو و لائخ آ دُوتیٹی ءِ ۔ او پارے کہ یومِ فضائیہ بیرہ اسہ قومی دے اس اف بلکن قومیسیوب ، بدل مفروک عزم و وطن تون وفاداری نا جوزہ نا پوسکنی نا موقع ہم ارے۔ قوم تیناشاہین تا کسبی مہارت، جیرت و فرض شناسیءِ قدر انا نظر اٹ ہرک و پاک فضائیہ نا خذمت آتیاگمرکیک۔ وزیراعلیٰ پارے کہ ملکی دفاع کن تینا جان تے ندر کروک آ شہید آک قوم انا حقی ہیروکءُ۔ اوفتا قربانی تے اسُل است آن دننگ مفک و مچ آ قوم شہید آتا خاہوت آتون اوار سلوک ءِ ۔ وزیراعلیٰ بلوچستان دعا کرے کہ اللہ تعالیٰ پاک فضائیہ نا غٹ شہید آتا درجہ غاتے بڑز کے، اوفتے جنت الفردوس اٹ بڑز کوجاگہ اس عطا کے و اوفتا خاہوت آتے صبر و استقامت عطا کے۔ او پاک فضائیہ نا غازی و ساڑی آ شاہین تا سلامتی،سرسہبی و پین بڑزی کن ہم نیکاست خواہی نا درشانی ءِ کرے۔