یوروبانڈز نا سرسہب جاری کننگ آن کریڈٹ ریٹنگنا جہانی ایجنسی ، جہانی مالیاتیمنڈی و زرکار آتا بحال مروک آپت انا عکاسیمننگ ءِ ، وزیر خزانہ محمد اورنگزیب نا اے ڈی بی نا کنڈ آن اڈ ہلوک دود آن تران

اسلام آباد۔ 03 ستمبر (اے پی پی)بنجائی وزیر خزانہ و محصولات سینیٹر محمد اورنگزیب پارینے کہ یوروبانڈز نا سرسہب جاری کننگ آن کریڈٹ ریٹنگنا جہانی ایجنسی ، جہانی مالیاتیمنڈی و زرکار آتا بحال مروک آ پت انا عکاسیمننگ ءِ،پنجرجاتی اصلاحات پائیدار اقتصادیسوگوی نا سفر نا اسہ اہم ءُ بشخ اسے، زرگزرانی سوگوی نا سفر اٹ پاکستان ایشیائی ترقیاتی بینک نا کمک، مخ تف و کمکاری آ منت وار ءِ۔ پنچ شنبے نادے آ داڑے ایشیائی ترقیاتی بینکانا کنڈ آن پاکستان اٹ مالی پائیداری کن ٹیکسیشن نا سرحال آ بڑزکو کہول نا ڈائیلاگ دود آن تران کرسا بنجائی وزیر خزانہ پارے کہ پاکستان جہانی کیپٹل مارکیٹ اٹ اِرا قسط آتیا تالان 3 ارب ڈالر مالیت نا یوروبانڈز جاری کرینے ہرا ملکی تاریخ اٹ اسہ ہی ٹرانزیکشن نا کمک اٹ جہانی کہول آ فنڈز یکجا کننگ نا غٹ آن بھلا ریکارڈ ءِ، دا کریڈٹ ریٹنگ نا مسہ جہانی ایجنسی تا کنڈ آن پاکستان نا کریڈٹ ریٹنگ اٹ گچینی آن پد جہانی مالیاتی ادارہ و زرکار آتا کنڈ آن پاکستان نا زرگزران و پائیدارزرگزرانی گام گیجآتیاپت انا درشانی ءِ۔ وزیر خزانہ پارے کہ یوروبانڈز کن جہانیزرکار آتا کنڈ آن کم وود 6 ارب ڈالر نا پیشکش موصول مس ہرا جاری مروک بانڈز انا مالیت آن کم وود اِرا گنا زیات ءِ، داکان بیدس ٹرانزیکشن اٹ دنیا نا جتا ڈیہہ ، ایشیاء،دے ٹک نیامی،یورپ، امریکہغان تعلق تخوک آ متنوع ادارہ جاتیزرکار آک پبی است خواہی نا درشانی ءِ کریر، ہرا جہانی مالیاتیمنڈی تیٹی پاکستان آ زرکار آتا بحال مروک پت انا اہم ءُ چیدہ اسے۔ وزیر خزانہ پارے کہ اندرونی مالیات نا بشخ اٹ اصلاحات نا ہرا عمل نا بنا ءِ کننگاسس ، ہمو وڑ بیرونی مالیات اٹ ہم گام گیج کننگانے و مسہ سالہ تجدید شدہ گلوبل میڈیم ٹرم نوٹ پروگرام نا رداٹ اولیکو بانڈ ءِ جاری کننگانے۔