حکومت ورنا تے پوسکن تعلیم،کسب ، روزگار و کاروبار نا وارخواہیفراوان کننگ کن غٹ گمانی وسیلہ غاتے کاریم اٹ اتنگ ءِ، وزیراعظم شہباز شریف

اسلام آباد۔ 03 ستمبر (اے پی پی)وزیراعظم محمد شہباز شریف پارینے کہ ورناک ننا غٹ آن نہادی میرات و پاکستان نا روشنا آخبت نا ضمانت ءُ، حکومت ورنا تے پوسکن تعلیم،کسب ، روزگار و کاروبار نا وارخواہیفراوان کننگ کن غٹ گمانی وسیلہ غاتے کاریم اٹ اتنگ ءِ۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ او دا خیال آتا درشانی ءِ وزیراعظمیوتھ پروگرام نا چیئرمین رانا مشہود احمد خاں تون ہیت وگپ کرسا کرے۔ رانا مشہود احمد خاں اینو وزیراعظم ءِ وزیراعظمیوتھ پروگرام نا رداٹ برجاگام گیج، ڈٹ و آخبت نا لائحہ عمل آ سرجمی اٹ حوال تس۔ وزیراعظم ورنا تے پوسکن تعلیم و تربیت و مارکیٹ نا گرج آتا رداٹ کسب فراوان کننگ ، ڈیجیٹلزرگزران اٹ اوفتے کن پوسکن وارخواہی ودی کننگ، روزگار و کاروبار نا وارخواہیتے ودفنگ تون اوار وزیراعظمیوتھ پروگرام نا چندی ڈٹ آتا پیش رفت نا جاچ ءِ ہلک ۔ اوڑدہی ٹی وزیراعظمیوتھ پروگرام نا رداٹ برجاتعلیمی،کسبکاری ، ڈیجیٹل و آسودہی پروگرام تا دنگ ءِ پین ودفنگ و اوفتا گچین و شفاف نفاذ آ ہم ہیت وگپ مس۔ وزیراعظم پارے کہ ورنا ک ننا غٹ انا نہادی میرات و پاکستان نا روشنا آخبت نا ضمانت ءُ، حکومت ورنا تے پوسکن تعلیم،کسب ، روزگار و کاروبار نا وارخواہیفراوان کننگ کن غٹ گمانی وسیلہ غاتے کاریم اٹ اتنگ ءِ۔ وزیراعظم پارت کرے کہ وزیراعظمیوتھ پروگرام نا رداٹ برجاڈٹ آتے پینگچین ، نتیجہ خیز و ورنا تا حقی گرج آتا رداٹ جوڑ کننگے وخت اس کہ اولیتی ڈٹ آتیاعملدرآمد نا رفتار ءِ پین ترند کننگے۔