سکیورٹیفورس آک پاک اوغان سیمآن دراندازی نا کوشست کروک آبھارتیمخ تف فتنۃ الخوارج نا 15 خوارج آتے دوزخی کریر، آئی ایس پی آر

راولپنڈی۔ 03 ستمبر (اے پی پی)سکیورٹیفورس آک ضلع قطبی وزیرستان نا مون مقابل پاک اوغان سیمآن دراندازی نا کوشست کروک بھارتیمخ تف فتنۃ الخوارج نا 15 خوارج ءِ دوزخی کریر۔ پنچ شنبے نادے آ پاک فوج انا شعبہ تعلقات عامہ (آئی ایس پی آر) آن جاری بیان نا رداٹ 31 اگست و یکم ستمبر نا نیامینن سکیورٹیفورس آک ضلع قطبی وزیرستان نا مون مقابل پاک اوغان سیم آن دراندازی نا کوشست کروک بھارتی سرپرستی ٹی کاریم کروک فتنۃ الخوارج آن تعلق تخوک خوارج آتا اسہ ٹولی اسے نا ہن و برنا سراغ ءِ خلکر۔ سکیورٹیفورس آک کسبی مہارت و صبر و تحمل نا درشانی ءِ کرسا اوفتا سرسہبی اٹ مقابلہ ءِ کریر۔ نتیجہ ٹی 36 گھنٹہ اسکان برجاسلوک آ بے کچ درست و ماہرانہ کارروائی نا وخت آ بھارتی سرپرستی ٹی کاریم کروک فتنہ الخوارج نا 15 خوارج ءِ دوزخی کننگا۔ کلیئرنس و سینیٹائزیشن آپریشن نا وخت آ خلنگوک آ خوارج آتا کوزہ غان بھلو کچ اسے ٹیسلہہ و گولہ بارود ہم دوئی مس ہراڑآن ملک اٹ امن و سوگوی ءِ خراب کننگ نا خواہندار خوارج و اوفتا کمکارآتا ناپاک عزم آک پین بے نقاب مسنو۔ پاک اوغان سیم آ پیش بروک آ دا واقعہ اسہ وار ولدا پاکستان نا دا آخبتی موقف نا تائید ءِ کیک کہ اوغان طالبان حکومت تینا سرپرستی ٹی دہشت گرد تنظیم ءِ سیم آن ایپار دہشت گردی کن اوغان ڈغار نا کاریم اٹ اتنگ آن توننگ اٹ پورو وڑاٹ بے سہب مسنے ۔ اوغان طالبان حکومت گچین سیمی بست وبند ءِ پک کننگ و تیناجہانی زمواری تے پورو کننگ اٹ پدریسہ بے سہب مسنے ۔ آئی ایس پی آر پارینے کہ پاکستان نا سکیورٹیفورس آک ملکی سیم تا دفاع کن سنبرینگوک ءُ۔ علاقہ ٹی ساڑی بھارتی سرپرستی ٹی کاریم کروک پین خوارج آتا چٹفنگ کن سینیٹائزیشن آپریشنبرجاءِ۔ بنجائی ایپکس کمیٹی نیشنل ایکشن پلان نا منظوری آن عزمِ استحکام نا وژن نا رداٹ سکیورٹیفورس و کانود نافذ کروک آ ادارہ غاتا کنڈ آن برجاانسدادِ دہشت گردی مہم پورو رفتار اٹ برجاسلک تانکہ ملک آن درملکی سرپرستی و مخ تف دہشت گردی نا ناسور ءِ پورو وڑاٹ چٹفنگ مرے۔