وزیراعظم ٹریڈ فیسلی ٹیشن بورڈ اناجوڑ کننگ نا منظوریءِ تس، ملکی بندرگاہ تا کاریم نا کچ اٹی گچینی کن ورکنگ گروپس جوڑ کننگ نا پارت

اسلام آباد۔ 03 ستمبر (اے پی پی): وزیراعظم محمد شہباز شریف ٹریڈ فیسلی ٹیشن بورڈ اس جوڑ کننگ نا منظوریءِ تس، بورڈ واپار نا پورو سپلائی چین اٹیگچینی اتنگ و سیم پار واپار نا بابت غٹ نان ٹیرفامورآتیا فیصلہ کیک و واپار نا مون آ دننگ نا بابت روڈ میپ، ٹریڈ فیسلی ٹیشن انڈیکس و مانیٹرنگ نا بابت حکمت عملیاس جوڑ کیک۔ پنچ شنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نا کماشی ٹی واپار اٹیآسراتی تا فراوانی نا بابت اہم دیوان اس مس۔ دیوان اٹی وزیراعظم محمد شہباز شریف ٹریڈ فیسلی ٹیشن بورڈ اس جوڑ کننگ نا منظوریءِ تس۔ وزیراعظم محمد شہباز شریف تینٹ ٹریڈ فیسلی ٹیشن بورڈ انا کماشی ءِ کیک۔ سلاہ ئی بورڈ واپار نا پورو سپلائی چین اٹیگچینی اتنگ و سرحد پار واپار نا بابت غٹ نان ٹیرفامور آتیا فیصلہ کیک۔ بورڈ واپار نا مون آ دننگ نا بابت روڈ میپ، ٹریڈ فیسلی ٹیشن انڈیکس و مانیٹرنگ نا بابت حکمت عملیاس جوڑ کیک۔ وزیراعظم ملک انا بندرگاہ تا کاریم نا کچ اٹیگچینی کن ہلہلہ ئی بنداو تیاکاریم کننگ و جتا جتا ورکنگ گروپس جوڑ کننگ نا پارت کرے ۔ ورکنگ گروپس بندرگاہ تا کچ انا گچین جوڑکننگ، تعلقدار محکمہ غاتا نیام اٹی ہمگرنچی نا مون آ دننگ، ریگولیٹری فریم ورک نا تعمیل، پری ارائیول کلیئرنس و جہانی واپار اٹیچنکا و نیامی درجہ نا کاروبار تا اوار مننگ نا بابت مریرہ۔ وزیراعظم درآمد کنندہ و برآمد کنندہ غاتے کن بندرگاہ تیا مال انا ترسیل، کلیئرنس و ایلوامورتے آسان کننگ و زیات آن زیاتآسراتی تا فراوانی نا ہم پارت کرے۔ دیوان اٹی پاننگاکہ برجااصلاحات نا رداٹ پورٹ چارجز اٹی کمتی کننگانے ہراڑآن پد بندرگاہ تا کاریم اٹ اتنگ اٹینمان گچینی بسنے، جہاز آتا بننگ آن مست گڈز ڈیکلیریشن جمع کرفنگ نا آسراتی ٹی پدریسہ ودکی مننگ اٹی ءِ۔ دیوان اٹی بنجائی وزیر قومی غذائیرکھ رانا تنویر حسین، بنجائی وزیرواپارجام کمال خان، بنجائی وزیر اقتصادی امور احد خان چیمہ، بنجائی وزیر خزانہ و محصولات محمد اورنگزیب، بنجائی وزیر بحری امور جنید انوار چوہدری،سلاہکاروزیراعظم صنعت ہارون اختر، وزیر مملکت خزانہ و ریلوائی بلال اظہر کیانی و تعلقدار بڑزکو سرکاریآفیسرآک بشخ ہلکر۔