آزاد کشمیر و گلگت بلتستان نا الس نا راجی آسودہی ، شونداری و شونہالی حکومت نا اولیت آتیٹی اوار ءِ، وزیراعظم شہباز شریف

اسلام آباد۔ 03 ستمبر (اے پی پی)وزیراعظم محمد شہباز شریفپارینے کہ آزاد کشمیر و گلگت بلتستان نا الس نا راجی آسودہی ،شونداری و شونہالی حکومت نا اولیت آتیٹی اوار ءِ، قائد محمد نواز شریف نا وژن و راہشونی نا رداٹ آزاد کشمیر نا شونداری و الس نا شونہالی نا ایجنڈا ءِ مونآ دننگک ۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ او دا خیال آتا درشانی ءِ بنجائی وزیر امور کشمیر و گلگت بلتستان انجینئر امیر مقام تون گپ و تران کرسا کرے ہرا وزیراعظم تون داڑے اوڑدہی کرے۔ اوڑدہی ٹی بنجائی وزیر وزیراعظم ءِ آزاد کشمیر و گلگت بلتستان نا بابت امور، خاص کر برجاشونداری ڈٹ و السیراجی آسودہی نا گام گیج آتیاسرجمی اٹ حوال تس۔ بنجائی وزیر آزاد کشمیراٹیساڑی آ گچین کاری تا بابت ہم وزیراعظم ءِ معلومدار کرے۔ وزیراعظم آزاد کشمیراٹی گچین کاری تا اڈتننگ و گچین کاری عمل نا بابت انجینئر امیر مقام نا کارکڑد نا ستاءِ کرے۔ وزیراعظم پارے کہ قائد محمد نواز شریف نا وژن و راہشونی نا رداٹ آزاد کشمیر نا شونداری و الس نا شونہالی نا ایجنڈا ءِ مون آ دننگک ۔ وزیراعظم پارے کہ آزاد کشمیر و گلگت بلتستان نا الس نا راجی آسودہی ،شونداری و شونہالی حکومت نا اولیت آتیٹی اوار ءِ و دا بابت غٹ ممکنہ گام گیج آتے برجاء تخنگک۔