وفاقی وزیر جان سلامتی ءُ وزیر پارلیمانی امور   ءَ پمز ءِ  تر ءُ تاب ، چکانی وارڈ ءِ چار ءُ تپاسی

اسلام آباد۔29اگست  (اے پی پی): وفاقی جان سلامتی ءِ وزیر مصطفیٰ کمال ءُ پارلیمانی کارانی وفاقی وزیر ڈاکٹر طارق فضل چوہدری ءَ شمبے ءِ روچ ءَ پاکستان انسٹی ٹیوٹ آف میڈیکل سائنسز ءِ تر ءُ تاب کتگ ءُ ہسپتال ءِ چائلڈ وارڈ ءِ چار ءُ تپاسی کتگ۔ وفاقی وزیراں زھگانی وارڈ ءِ تہ ءَ طبی آسراتی ءُ بندوبست آنی سر ءَ چار ءُ تپاسی کتگ۔ اے موہ ءِ سر ءَ نادراھجاہ ءِ انتظامیہ ءَ نادراہ آناں داتگیں طبی ازمت ءُ اے دگہ آسراتی آنی بابت ءَ سرپد کت۔ رسانکدر ءَ گوں تران کنان ءَ وفاقی جان سلامتی ءِ وزیر مصطفیٰ کمال ءَ گوشت کہ حکومت پمز ءَ بوتگیں گوستگیں وئیل ءِ ھوالگ ءَ مزن وزیر ءِ نیمگ ءَ جوڑ کتگیں انکوائری کمیٹی ءِ رپورٹ ءِ ودار ءَ اِنت، پرچا کہ انکوائری ءِ راستی ءُ آسر آنی رد ءَ جاور ھال آنی سر ءَ ھاسیں چمشانک دیگ بیت، انکوائری کمیٹی ءَ کتگ۔ وفاقی وزیر آں ہسپتال ءِ سرجمیں جاور ھال آنی سر ءَ ھم چار ءُ تپاسی کت ءُ نادراہ آناں شریں دوا ءُ درمان ءِ آسراتی پجاری ءُ ہسپتال ءِ انتظامی کار آناں گہتر کنگ ءِ واستہ جتاجتائیں گامگیج آنی سر ءَ گپ ءُ تران کت۔