قائداعظم ءِ ایمانداری، اصولی ءُ راجی جزم مرچی ہم مئے واستہ رہشونی ءِ وسیلہ انت، وفاقی وزیر راجی فوڈ سیکیورٹی ءُ پٹ ءُ پول

اسلام آباد۔11ستمبر  (اے پی پی):  راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گوشت کہ قائداعظم ءِ ایمانداری، اصولی ءُ راجی جزم مرچی ھم مئے واستہ رھشونی ءِ وسیلگ اِنت۔ راجی وردن ءُ وراک ءِ سلامتی ءُ پٹ ءُ پول ءِ وزارت ءِ نیمگ ءَ پاکستان ءِ بُن ھشت ایر کنوک قائداعظم محمد علی جناح ءِ بیرانی ءِ روچ ءِ درگت ءَ جاڑی بوتگیں کلوہ ءِ تہ ءَ رانا تنویر حسین ءَ گوشت کہ پاکستان ءِ بن ھشت ایر کنوک ءِ ھزمت ءُ قربانی راجدپتر ءَ مدام زرین آباں گوں یات کنت۔ آئی ءَ گوشت کہ پاکستان ءِ بابت ءَ قائداعظم ءِ ویژن یک مھکمیں، آزات، دیمروئی کتگیں ءُ وشھالیں ریاست ءِ آدینک انت۔ رانا تنویر حسین ءَ گوشت کہ قائداعظم ءَ مسلمان آناں یکجائی ءِ مول ءُ مراد ءِ رد ءَ یکجاہ کتگ ءُ آزاتی ءِ جہد ءِ کامیابی ءِ سروکی کتگ۔ وفاقی وزیر ءَ گوشت کہ بیرانی ءِ سالروچ قائداعظم ءِ راجی ھزمت ءُ مزنیں کوشست آناں یات کنگ ءُ آئی ءِ پکر آنی سر ءَ ھیال ءُ لیکہ کنگ ءِ موہ ءَ دنت۔ رانا تنویر حسین ءَ گوشت کہ ایوک ءَ قائداعظم ءِ سکین آنی سر ءَ عمل کنگ ءَ چہ پاکستان ءَ را ھما چیلنج آنی سر ءَ چہ گر ءُ چیل بوھگ ءَ کمک رس ایت۔ وفاقی وزیر ءَ گوشت کہ راجی یکوئی، نظم ءُ ضبط ءُ کانود ءِ احترام قائداعظم ءِ پاکستان ءِ بنیاتی رھبند اَنت۔ وفاقی وزیر ءَ گوشت کہ مارا ذاتی مفاد ءَ چہ دیم ءَ روگی انت ءُ راجی یکوئی ءُ راجی دیمروئی ءِ واستہ کرد پیلو کنگی انت۔ آئی ءَ گوشت کہ قائداعظم ءِ واب ایوک ءَ یک مھکمیں، معاشی رد ءَ مھکم ءُ وشھالیں پاکستان ءِ شکل ءَ پیلو بوت کنت۔