زھگانی رکھینگ ءِ واستہ سیاسی جزم، مھکمیں ادارگ ءُ برجاھیں گامگیج المی انت، آصفہ بھٹو زرداری

اسلام آباد۔11ستمبر  (اے پی پی): بانُک اول آصفہ بھٹو زرداری ءَ گوشت کہ زھگ آنی رکھینگ ءِ واستہ سیاسی جزم، مھکمیں ادارگ ءُ برجاھیں گامگیج المی انت۔ سرکاری ادارہ، استانی واکدار، وانگجاہ، مدنی چاگرد، مذہبی ءُ چاگردی رہشون ءُ ھاندان وتی زھگانی رکھینگ ءَ یک مشترکہ راجی ذمہ واری یے جوڑ بہ کن اَنت۔ جمعہ ءِ روچ ءَ صدارت ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ آصفہ بھٹو زرداری ءَ زھگ آنی رکھینگ ءِ ھوالگ ءَ وتی بیان ءَ گوشت کہ ھر زھگ ءَ را لوگ، وانگجاہ، چاگرد ءُ نوں گیش ءَ چہ گیش ڈیجیٹل دگنیا ءَ ایمنیں چاگرد ءَ مزن بوھگ ءِ سرجمیں ھک ھست۔ بچہ ءِ سرا زوراکی، بدسلوکی، استحصال یا بے پرواہی ءَ ہچبر نجی معاملہ، چاگردی روایت یا بدبختیں جاور ءِ دروشم ءَ یلہ دیگ نہ بیت۔ وھدے کہ چُک ءَ تاوان رسیت گڑا چاگرد وتی بُنکی ذمہ واری بزاں ھیالداری ءُ رکھینگ ءِ ذمہ واری ءَ پیلو کنگ ءَ ناکام بیت۔ آئی ءَ گوشت کہ سرجمیں دگنیا ءَ زھگ آنی سر ءَ جسمانی ءُ جنسی زوراکی ءِ آماچ بوھگ برجاہ اِنت، انسانی سوداگری، سوداگری، جبری کار، زوتیں آروس، استحصال ءُ آن لائن بدسلوکی ءِ آماچیں دگنیا ءِ دیم ءَ اِنت۔ اقوام متحدہ ءَ باز رند ءَ ہشدار داتگ کہ زھگانی سرا زوراکی باز انت بلے ایشی ءِ دیم ءَ دارگ بوت کنت۔ سیاسی جزم، مھکمیں ادارہ ءُ برجمیں کارروائی پہ زھگانی رکھینگ ءَ المی انت۔ آئی ءَ گوشت کہ اے ذمہ واری ءِ سر ءَ پاکستان ءَ ھاسیں رنگ ءَ ترندی ءَ گوں دلگوشی ءِ ضلورت انت۔ زھگانی آن لائن استحصال ءِ بابت ءَ نوکیں شواہد مارا یات کن اَنت کہ کسانی ءِ دیم ءَ اتکگیں ھترہ تیزی ءَ گوں بدل بوھگ ءَ اَنت۔ ٹیکنالوجی ءَ زھگانی واستہ موہ، وانگ ءُ زانگ ءُ زانت ءَ گیش کنگی اِنت، اے ھچبر انچیں دروازگے جوڑ مہ بیت کہ ایشی ءِ وسیلگ ءَ مجرم ءُ شکاری مردم زھگانی زند ءَ سر بہ بنت۔ آئی ءَ گوشت کہ زھگانی رکھینگ ءِ کار چہ سانحہ ءِ آیگ ءَ پد بندات کنگ مہ بیت بلکیں بندات ءَ چہ رکّینگ ءَ بندات کنگ بہ بیت، سرپدیں مات ءُ پت، ایمنیں اسکول، تربیت یافتہ استاد، ترندیں پسو ءِ پولیس ءُ چاگردی آسراتی، مھکمیں سیفٹی سسٹم، ذمہ واریں ڈیجیٹل پلیٹ فارم ءُ کمیونٹیز کہ زھگ ءَ را ھترہ ءِ تہ ءَ گندگ ءَ پد گپ جنگ ءَ تیار بہ بنت۔ ھما جاھاں کہ چُک ءِ سر ءَ جرم بوتگ، اودا ھچ وڑیں ھاموشی ءُ ھچ وڑیں ترس ءُ بیم ءِ ھال ءُ اھوال مہ بیت ءُ ھچ وڑیں رکّینگ ءِ ھال ءُ اھوال مہ بیت۔ آئی ءَ گوشت کہ ترس ءِ آماچیں چُک ءِ گپ گوشدارگ بہ بنت، زدگیں چُک ءِ رکھینگ بہ بیت، زندگ بوتگیں چُک ءَ را احترام ءُ شرپ ءِ گوما پیش دارگ بہ بیت ءُ مجرم ءَ را قانون ءِ دیمپانی کنگ بہ بیت۔ آصفہ بھٹو ءَ گوشت کہ زھگاں ھچبر اے گپ ءِ ثابت کنگ ءِ ضلورت مہ بیت کہ آ مئے رکھینگ ءِ مستحق اَنت۔ ایشانی ورنائی ءُ آسراتی اے ذمہ واری ءَ مئے درستانی سر ءَ ایر کنت۔ آئی ءَ گوشت کہ من ءَ اے گپ ءِ سر ءَ دلجمی ءَ باور اِنت کہ پاکستان ءَ را زھگانی رکھینگ ءِ نظام ءَ را گیش مھکم کنگی اِنت کہ ایشی ءِ تہ ءَ چہ رکگ، رپورٹنگ، پٹ ءُ پول، بحالی ءُ انصاف ءِ ھوار کنگ بہ بیت، ھما جاہ ءَ کہ زھگ ءُ ھاندان زان اَنت کہ کمک ءِ واستہ کجا دیم ءَ بہ رو اَنت؛ ءُ ھما جاہ ءَ کہ ادارہ زوت، حساس ءُ موثریں وڑے ءَ کار کن انت ءُ زدگیں مردماں گیشتر صدمہ نہ دنت۔ آئی ءَ گْوشت کہ ما ھم وت زھگانی گپاں گوشدارگی اِنت۔ ایشانی ترس، تجربہ ءُ توار ہما ​​پالیسیانی جوڑ کنگ ءَ ہوار کنگ بہ بنت کہ آہانی زند ءَ را متاثر کن انت۔ بچپن ءِ حفاظت خیرات ءِ گپ نہ انت بلکیں حق ءُ عدالت ءُ ہما قوم ءِ پجار ءِ گپ انت کہ ما جوڑ بوہگ لوٹیں۔ آئی ءَ سرکاری ادارگ، صوبائی واکدار، کانود ءِ نفاذ ءِ ادارگ، اسکول، سول سوسائٹی، مذہبی ءُ چاگردی رہشون، رسانکدر، ٹیکنالوجی کمپنی ءُ چہ درستاں گیش ھانداناں چہ اپیل کتگ کہ آ مئے زھگ آنی رکھینگ ءَ را یک مشترکہ راجی ذمہ واری یے جوڑ بہ کن اَنت۔ آئی ءَ گوشت کہ پاکستان ءِ آیوکیں وھد ءِ واستہ ھما زھگ ءِ رکھینگ ءَ چہ گیش مھکمیں سرمایہ کاری بوت نہ کنت کہ آیوکیں باندا اے ملک ءِ وارث بیت۔ آصفہ بھٹو ءَ گوشت کہ مئے زھگ ھما وھد ءَ مئے ھمدردی ءِ لائک نہ بنت کہ آھاں تاوان رستگ۔ آ چہ زیان ءِ سر بوھگ ءَ پیسر مئے نگرانی ءُ ھیالداری ءِ مستحق اَنت، آ ھترہ ءِ وھد ءَ مئے رکھینگ ءِ مستحق اَنت ءُ آھانی ھک ءِ لگتمالی ءِ وھد ءَ آ انصاف ءِ مستحق اَنت۔ اے مئے پاکستان ءِ ھمک بچ ءِ گوں وعدہ بہ بیت۔