وفاقی وزیر برائے تجارت ءَ ہانگ کانگ ءِ چیف ایگزیکٹو ءَ گوں گند ءُ نند ، دو نیمگی تجارت، سرمایہ کاری ءُ مردم آنی نیام ءَ رابطہ آنی تہ ءَ گیشی ءِ جزم ءِ  درشان

ہانگ کانگ۔11ستمبر  (اے پی پی): وفاقی وزیر برائے تجارت جام کمال خان ءَ ہانگ کانگ ءِ چیف ایگزیکٹو جان لی کا چیو ءَ گوں گند ءُ نند کتگ ایشی ءِ تہ ءَ دو نیمگی تجارت، سرمایہ کاری ءُ مردم آنی نیام ءَ رابطہ آناں گیش کنگ ءِ جزم ءِ پدا پدر کنگ بوتگ۔ وزارت تجارت ءِ جارکش ءِ رد ءَ گند ءُ نند ءَ ہانگ کانگ ءِ تجارت ءُ اقتصادی دیمروئی ءِ سیکرٹری الجر نن یاؤ  ءُ پاکستان ءِ قونصل جنرل ریاض احمد شیخ ھم ھوار بوتگ اَنت۔ دوئیں بامرد آں دو نیمگی تجارتی ءُ اقتصادی سیادی آناں گیش مھکم کنگ ءِ سر ءَ تپاک کت ءُ سرمایہ کاری ءُ مردم آنی نیام ءَ سیادی آناں گیش کنگ ءِ واستہ وتی جزم ءِ سر ءَ پدا زور دات۔ ہانگ کانگ ءِ چیف ایگزیکٹو ءَ بیلٹ اینڈ روڈ سروک دیوان ءَ جام کمال خان ءِ جوانیں گشتانک ءِ توسیپ کت ءُ دمگی امن ءُ ایمنی ءِ دیمروئی ءِ واستہ پاکستان ءِ کرد ءِ توسیپ کت۔ جام کمال خان ءَ سروسز، فنانس، ایوی ایشن ءُ بزنس ٹو بزنس رابطہ آنی تہ ءَ کمک ءَ را گیش کنگ ءِ سر ءَ زور پر دات ءُ پاکستان ءَ کیتھے پیسیفک  ءِ بالی گراب آناں بحال کنگ ءِ ھم تجویز دات۔ آئی ءَ گوشت کہ گہتریں ھوائی رابطہ کاری ءَ چہ تجارت، سیل ءُ سواد ءُ کاروباری چست ءُ ایر آناں دیمروئی رسیت۔ جام کمال ءَ ہانگ کانگ ءِ چیف ایگزیکٹو جان لی ءَ را ہم پاکستان ءِ تر ءُ تاب ءِ دعوت داتگ۔