قائداعظم ءِ وژن ءِ رد ءَ ریلوے ءَ را یک نوکیں ءُ منافع بخش ادارہ جوڑ کنگ بوھگ ءَ انت، بنجاھی وزیر ریلوئے

اسلام آباد۔11ستمبر  (اے پی پی): ریلوے ءِ وفاقی وزیر محمد حنیف عباسی ءَ گوشت کہ قائداعظم ءِ رھشونی، اصولی ءُ بے مٹیں کوشست ءَ مسلمان آنی واستہ آجوئیں وطن ءِ واب ءَ را حقیقت جوڑ کتگ۔ مزن وزیر محمد شہباز شریف ءِ سروکی ءَ استیں حکومت ملک ءَ را اقتصادی استحکام ءُ دیمروئی ءِ راہ ءَ ایر کنگ ءِ واستہ عملی گامگیج کنگ ءَ انت۔ قائداعظم محمد علی جناح ءِ 78می بیرانی سالروچ ءِ موہ ءَ وتی کلوہ ءِ تہ ءَ آئی ءَ گوشت کہ ریلوے ءِ تہ ءَ اصلاحات، ڈیجیٹلائزیشن، نوکیں ٹیکنالوجی ءُ بنیاتی ڈھانچہ ءِ گہتری حکومت ءِ دیمروئی ایجنڈا ءِ یک ھاسیں بھر انت۔ ریلوے ءَ را یک ایمن، جدید ءُ الس دوستیں ادارگ ءِ جوڑ کنگ یک آجوئیں پاکستان ءِ واستہ پاکستان ءِ بانی ءِ وژن ءِ سرجمی ءِ نیمگ ءَ یک ھاسیں گامگیج اِنت۔ ملک ءَ را ھما وھد ءَ وشھال ءُ دیمروئی کنگ بیت کہ قائداعظم ءِ زرینیں رھبند، یکوئی، ایمان ءُ نظم ءُ ضبط ءَ را رہشونی ءِ رژنائی جوڑ کنگ بہ بیت۔