قائداعظم ءَ یک شنگ ءُ تالانیں راجے ءَ را لیکہ، شعور ءُ آجوئیں ریاست داتگ، وفاقی وزیر داخلہ

اسلام آباد۔11ستمبر  (اے پی پی): وفاقی تہی کارانی وزیر محسن نقوی ءَ راج ءِ پِت قائداعظم محمد علی جناح ءَ را آئی ءِ مزنیں جہد ءِ پد ءَ مزنیں شگر ءُ منت پیش کتگ ءُ گوشت کہ پاکستان ءِ بُن ھشت ایر کنوک ءَ برصغیر ءِ مسلمان آناں غلامی ءَ چہ آجو کتگ ءُ دگنیا ءِ نقشہ ءِ سر ءَ یک آزات ءُ شرپداریں ریاست ءِ جوڑ کتگ۔ آئی ءِ بے دروریں سروکی راجی راجدپتر ءِ رژنائیں باب اِنت۔ محسن نقوی ءَ وتی کلوہ ءِ تہ ءَ گوشت کہ قائداعظم ءِ شخصیت ءِ تہ ءَ کردار ءِ بالاد، راستی ءُ عمل ءِ یکوئی برجم بوتگ۔ گرانیں نادراہی یے ءِ باوجود آئی ءَ گوں جزم ءُ دلیری ءَ راج ءَ را آجوئی ءِ منزل ءِ نیمگ ءَ بُرت۔ وفاقی وزیر ءَ یات دات کہ قائداعظم اقلیت آنی برابری ءِ حق آنی چیمپئن بوتگ ءُ حکومت ءَ را الس ءِ امانت لیک اتگ۔ آئی ءَ گوشت کہ ایمان، یکوئی ءُ تنظیم پاکستان ءِ اصل جند انت، ایشی ءِ سر ءَ عمل درآمد ملک ءِ دیمروئی ءِ یکیں راہ انت۔