وفاقی داخلہ ءِ وزیر محسن نقوی ءَ پاسپورٹ ءِ کارگس عوامی مرکز ءِ تر ءُ تاب

اسلام آباد/کراچی۔29اگست  (اے پی پی): وفاقی تہی کارانی وزیر محسن نقوی ءَ پاسپورٹ کارگس عوامی مرکز  کراچی ءِ تر ءُ تاب کتگ۔ وزیر داخلہ ءَ پاسپورٹ ءِ زورگ ءَ اتکگیں شہری آں گوں گند ءُ نند کتگ ءُ سرجمیں عمل ءِ بابت ءَ جست ءُ پرس کتگ۔ شمبے ءِ روچ ءَ ادا وزارت داخلہ ءِ نیمگ ءَ جاڑی بوتگیں بیان ءِ رد ءَ وزیر داخلہ محسن نقوی ءَ شہری آں چہ ٹوکن ءِ جاری کنگ ءَ بگر داں وتی باریگ ءِ گرگ ءِ وھد ءِ بابت ءَ جست ءُ پرس کتگ۔ شہری آں پاسپورٹ جوڑ کنگ ءِ نظام ساڑاتگ ءُ دل یکیمی ءِ درشانی کتگ۔ وفاقی وزیر داخلہ ءِ گوما گپ ءُ تران ءِ ساھت ءَ شہری آں گوشت کہ ما وتی پاسپورٹ ءِ نوک کنگ ءِ واستہ اتکگیں ءُ لھتیں دمان ءَ کار سرجم بوتگ۔ آہاں گشتگ کہ پاسپورٹ ءِ گرگ ءَ ہچ وڑیں مشکل نیست انت ءُ ودار کنگ ءِ ہچ ضلورت نہ انت۔ وزیر داخلہ محسن نقوی ءَ پنت ءُ شون کت کہ شہری آنی آسراتی ءِ واستہ پاسپورٹ کارگس ءُ پبلک سنٹر ءَ را گیش کنگ بیت۔