اسلام آباد/کراچی۔29اگست (اے پی پی): وفاقی تہی کارانی وزیر محسن نقوی ءَ جناح میاں اوستمانی بالی پٹ ءِ تر ءُ تاب ءِ وھد ءَ کاؤنٹر آنی سر ءَ امیگریشن ءِ عمل ءِ سر ءَ چار ءُ تپاسی کت۔ وزیر داخلہ ءَ درملک ءَ روگ ءَ مسافراں گوں گند ءُ نند کتگ ءُ امیگریشن ءِ عمل ءِ بابت ءَ جست ءُ پرس کتگ۔ شمبے ءِ روچ ءَ ادا وزارت داخلہ ءِ …
وفاقی داخلہ ءِ وزیر محسن نقوی ءَ جناح ءِ انٹرنیشنل ائیرپورٹ ءِ تر ءُ تاب
گیشتریں ھال
اسلام آباد/کراچی۔29اگست (اے پی پی): وفاقی تہی کارانی وزیر محسن نقوی ءَ جناح میاں اوستمانی بالی پٹ ءِ تر ءُ تاب ءِ وھد ءَ کاؤنٹر آنی سر ءَ امیگریشن ءِ عمل ءِ سر ءَ چار ءُ تپاسی کت۔ وزیر داخلہ ءَ درملک ءَ روگ ءَ مسافراں گوں گند ءُ نند کتگ ءُ امیگریشن ءِ عمل ءِ بابت ءَ جست ءُ پرس کتگ۔ شمبے ءِ روچ ءَ ادا وزارت داخلہ ءِ نیمگ ءَ جاڑی بوتگیں بیان ءِ رد ءَ وزیر داخلہ ءِ تر ءُ تاب ءِ وھد ءَ امیگریشن سسٹم ءِ تہ ءَ زوال بوتگ۔ آئی ءَ جاہ ءِ سر ءَ سیادی داروکیں واکداراں گوں رابطہ کتگ ءُ امیگریشن سسٹم ءِ تہ ءَ جیڈھ ءَ را زوت گیش ءُ گیوار کنگ ءِ پنت ءُ شون کتگ۔ محسن نقوی ءَ گوشت کہ سسٹم ڈاؤن ءِ وھد ءَ متبادل بندوبست کنگ بہ بیت۔ آئی ءَ پنت ءُ شون کت کہ ہچ وڑیں جاوراں امیگریشن ءِ عمل بند کنگ مہ بیت۔ وزیر داخلہ ءَ جعلی کاگد آنی سر ءَ سفر کنوکیں مردمانی ھلاپ ءَ سکیں کارروائی ءِ پرمان داتگ ءُ گوشت کہ ناسرجم ءُ نا تصدیق بوتگیں کاگد آنی واھندیں مسافر آناں ھچ وڑیں جاور آنی تہ ءَ سفر کنگ ءِ اجازت نیست۔
