آرمی ءِ سروک سید عاصم منیر ءَ پاکستان ءِ مزنیں دفاعی صنعتی کمپلیکس پاکستان آرڈننس فیکٹری واہ ءِ تر ءُ تاب

راولپنڈی ۔29اگست  (اے پی پی): فوج ءِ سروک ءُ دفاعی افواج ءِ سروک فیلڈ مارشل سید عاصم منیر نشان امتیاز (ملٹری) ہلال جرأت  ءَواہ ءَ استیں  پاکستان ءِ مزنیں دفاعی صنعتی کمپلیکس ، پاکستان آرڈیننس فیکٹری (پی او ایف) ءِ تر ءُ تاب کتگ  ۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں پریس ریلیز ءِ رد ءَ وتی تر ءُ تاب ءِ ساھت ءَ چیف آف ڈیفنس فورسز ءَ پی او ایف ءِ پیداوار، برآمد ءِ گنجائش ءُ ملک ءِ دفاع ءِ تہ ءَ صنعت ءِ کرد ءِ سر ءَ چار ءُ تپاسی کتگ۔ اے موہ ءِ سر ءَ چیف آف آرمی اسٹاف ءُ چیف آف ڈیفنس فورسز ءَ را پی او ایف ءِ کارروائی آنی جتا جتائیں تک ءُ پھنات آنی بابت ءَ سرپدی دیگ بوت ءُ آئی ءِ کرد ءِ وسیلگ ءَ راجی دفاع ءَ را مھکم کنگ ءِ تہ ءَ بومی دیمروئی ءُ جتا جتائیں رنگ ءِ فوجی سامان آنی پیداوار ءِ وسیلگ ءَ سرپدی دیگ بوت۔ ایشاں دمگی جوڑ کتگیں سلاہ ءُ گولہ بارود ءِ آزمائش ءُ آزمائش ھم دیستگ اَنت۔ آرمی چیف ءَ پاکستان آرڈننس فیکٹری ءِ نوکیں چیز جوڑ کنگ، وت واجہ بوھگ ءُ پاکستان ءِ دفاعی پیداواری صلاحیت آناں گیش کنگ ءِ واستہ جزم ءِ سر ءَ ھم زور پر دات۔ چیف آف آرمی اسٹاف ءُ چیف آف ڈیفنس فورسز ءَ را ڈپرا آرڈیننس ءِ جوڑ کنگ ءَ پد کارپوریٹائزیشن ءِ عمل ءِ دیمروئی ءِ بابت ءَ ھم سرپد کنگ بوت۔ فیلڈ مارشل ءَ را دو نوکیں صنعتی پلانٹ آنی جوڑ کنگ ءِ وسیلگ ءَ دمگی رنگ ءَ پیداوار ءُ اپ گریڈ کنگ ءِ کوشست آنی بابت ءَ ھم سرپدی دیگ بوت کہ ایشی ءِ پیداوار اے سال ءِ گڈ ءَ تاں بندات کنگ ءِ گمان اِنت۔ آئی ایس پی آر ءَ گوشت کہ دفاعی اُرد ءِ سروک ءِ اے تر ءُ تاب پاکستان ءِ دفاعی شوبگ ءَ وت واجہی، بنجاہی پیداوار ءُ ٹیکنالوجی ءِ جدت ءِ دیمروئی ءِ واستہ پاک اُرد ءِ جزم ءِ درشان کت۔