صدر ءَ ترک ھمکار ءُ راج ءَ را سوبمندی ءِ روچ ءِ مبارک بات داتگ

اسلام آباد۔30اگست  (اے پی پی): صدر ءِ مملکت آصف علی زرداری ءَ سوبمندی ءِ روچ ءِ درگت ءَ وتی ترک ھمکار رجب طیب اردوان ءُ ترک اُلس ءَ را مبارک بات داتگ۔ صدر ءِ مملکت ءَ یک شمبے ءِ روچ ءَ وتی کلوہ ءِ تہ ءَ گوشت کہ پاکستان ءُ ترکی ءِ نیام ءَ راجدپتر ءِ گہتریں سیادی، ایمان ءِ گہتریں سیادی ءُ وت مہ وتی کمک ءِ سر ءَ بنیات ءِ یکپارگیں ءُ برجائی ءِ سیادی است اَنت۔ آئی ءَ گوشت کہ 30اگست 1922ءِ مزنیں سوبمندی ترکی ءِ راجدپتر ءِ یک ھاسیں باب اِنت ءُ اے دل یکیمی ءِ درشان اِنت کہ دوئیں ملک آنی نیام ءَ دوستی ءُ برات ءِ سیادی دیما برجا مان اَنت۔ صدر ءَ صدر رجب طیب اردوان ءُ ترکی ءِ راج ءِ واستہ برجاھیں امن ءُ ایمنی ءُ سوبمندی ءِ دعا کتگ۔