مزن وزیر شہباز شریف ءَ ترکی ءِ صدر، حکومت ءُ الس ءَ را سوبمندی ءِ روچ ءَ مبارک بات

اسلام آباد۔30اگست  (اے پی پی): مزن وزیر محمد شہباز شریف ءَ ترکی ءِ صدر رجب طیب اردوان ءُ ترکی ءِ حکومت ءُ الس ءَ را سوبمندی ءِ روچ ءِ مبارک بات داتگ۔ یک شمبے ءِ روچ ءَ سوشل نیٹ ورک ویب سائٹ ’’ایکس‘‘ ءِ سر ءَ وتی پوسٹ ءِ تہ ءَ مزن وزیر ءَ گوشت کہ سوبمندی ءِ روچ ءِ درگت ءَ وتی گرانیں برات صدر رجب طیب اردوان، ترکی ءِ حکومت ءُ جمہوریہ ترکی ءِ براتیں اُلس ءَ را دل ءِ جہلانکی ءَ چہ مبارک بات پیش کنت۔ آئی ءَ گوشت کہ 30اگست ءَ غازی مصطفیٰ کمال اتاترک ءِ سروکی ءَ رستگیں شاندار سوبمندی ءِ یات ءَ دارگ بیت ءُ ایشی ءَ نوکیں ترک جمہوریہ ءِ بنیات ایر کتگ، پاکستان وتی ترک برات ءُ گہار آنی گوما یکجائی ءَ دلیری ءُ راجی جزم ءِ اے مزنیں ءُ سربلندیں میراث ءَ را شرپ مند کنت۔ مزن وزیر ءَ گوشت کہ پاکستان ءُ ترکی ءِ نیام ءَ دو نیمگی ءِ سیادی دل ءِ بندوک اَنت، یکجائی ایمان، راجدپتر ءُ سد ءَ چہ کوھنیں کوشست ءَ چہ مھکم بنت۔ مرچی مئے دوئیں ملکاں مکہ ءِ یکجائی دفاعی معاہدے ءِ وسیلگ ءَ براتانی سیادی ءِ اے اسٹریٹجک اظہار ءِ نوک کتگ کہ ایشی ءَ چہ مئے دوئیں ملک آناں براتیں بادشاہی سعودی عرب ءِ گوما یکجائی ایمنی ءُ اجتماعی دفاع ءِ یکجائی مول ءُ مراد ءِ تہا یکجاہ کنت۔ آئی ءَ گوشت کہ پاکستان دوئیں ملک آنی یکجائی وشھالی ءُ ایمنی ءِ واستہ ترکی ءِ گوما ھمک شعبہ آنی تہ ءَ وتی اسٹریٹجک شراکت داری ءَ را گیش مھکم ءُ گہتر کنگ ءِ جزم ءِ سر ءَ سدک اِنت۔ آئی ءَ گوشت کہ ھدا بکنت کہ پاکستان ءُ ترکی ءِ نیام ءَ ابدمانیں دوستی ءُ براتی ءِ سیادی آیوکیں نسل آنی واستہ برجاہ بہ بنت۔