حکومت ءِ موثر اقتصادی حکمت عملی، وام ءِ زوتیں وھد ءَ پچ گرگ، وام ءِ کم کنگ ءَ سوبمند، وزیر خزانہ خرم شہزاد

اسلام آباد۔30اگست  (اے پی پی):حکومت ءِ جوانیں اقتصادی حکمت عملی ءِ آسر ءَ وام آنی زوت پچ گرگ ءُ وام آنی تہ ءَ کمی ءِ تہ ءَ سوبمند بوتگ۔ موثر مالیاتی پالیسی ءِ سبب ءَ پاکستان مالیاتی ڈسپلن ءِ وسیلگ ءَ اقتصادی استحکام ءِ نوکیں مثال ءِ دیم ءَ آرگ ءَ انت۔ پاکستان ءِ وام آنی زوتیں وھد ءَ پچ گرگ ءِ کلیں کساس 6ہزار ارب کلدار ءِ نزیک ءَ اِنت۔ وزیر خزانہ خرم شہزاد ءِ رد ءَ پاکستان ءَ تاں انوگ ءَ نزیک ءَ 5920ارب کلدار ءِ وام ءِ وھد ءَ چہ پیسر ادا کتگ۔ پاکستان ءَ اگست 2025 ءَ ٹھینگ بوتگیں وام آنی زوتیں وھد ءَ پچ گرگ ءِ 1133ارب کلدار ءِ ریکارڈ ھم پشت ءَ یلہ داتگ۔وزیر ھزانگ ءَ گوشت کہ مالی سال 2025 ءَ کل ءَ 2900ارب کلدار ءِ وام ءِ وھد ءَ چہ پیسر پچ گرگ بوتگ۔ کار کنگ ءَ اِنت۔ آئی ءَ گوشت کہ مالی سال 2026-27 ءَ دگہ 1200ارب کلدار ءِ قرضہ ءِ مد ءِ وھد ءَ چہ پیسر ادا کنگ بوتگ۔ خرم شہزاد ءَ گیش کت کہ زوتیں زرّ ءِ پچ گرگ ءَ چہ سرجمیں قرضہ کم بیت ءُ آیوکیں سال آنی تہ ءَ مزنیں زرّ ءِ پچ گرگ ءِ دباؤ ھم کم بیت۔ پاکستان ءِ وزارت خزانہ ءِ قرضہ ءِ انتظام نوں روایتی ادائیگی ءَ چہ ابید حکومت ءِ مالیاتی پوزیشن ءَ را مھکم کنگ ءِ نیمگ ءَ روگ ءَ انت۔