ساڑی آ حوثی جلہو اٹی ٹھپی مروک آ 6 پاکستانی ملاح بحفاظت پاکستان آ پدی سرمسنو، نائب وزیراعظم اسحاق ڈار

اسلام آباد۔ 20 اگست (اے پی پی)نائب وزیراعظم و وزیر خارجہ سینیٹر محمد اسحاق ڈار پارینے کہ ساڑی آ حوثی جلہو اٹی ٹنزانیہ نا پرچم بردار واپاری بحری جہاز آ ٹھپی مروک آ شش پاکستانی ملاح حفاظت اٹ وطن آ پدی سرمسنو وخت اس کہ زوال کروک آ اِرا پاکستانی ملاح تا میت آتے ہم پاکستانآسرکننگانے۔ راجی رابطہ نا پلیٹ فارم ایکس آ تینا بیان اٹی او پارینے کہ غٹ تعلقدار فریق آتے پارت کننگاسس کہ ٹھپی ملاح تا و زوال کروک آتا میت آتا رکھ ، عزت اٹ و زوت آن زوت وطن آ پدی اتنگ ءِ پک کننگے۔ نائب وزیراعظم جدہ ٹی پاکستان نا قونصلیٹ جنرل و ریاض اٹی پاکستانی سفارت خانہ نا وخت آ و مخلصانہ کوشست آتا ستاءِ کرینےہراک یمن آن ٹھپی ملاح و میت آتا پدی اتنگ و اوکان پد اوفتا پاکستان سفر اٹیآسراتی فراوان کریر ، خاص کر دا حالیتآتیٹی ہراتم یمن اٹی پاکستان نا ہچ ءُ سفارتی مشن اس اف۔ نائب وزیراعظم و وزیر خارجہ سینیٹرمحمد اسحاق ڈار پارے کہ ای ایف آئی اے تون اوار غٹ تعلقدار فریق آتا کوشست آتا ہم ستاءِ کیوہ ہرفتا سوب آن اوفتا پاکستان اٹی بننگ و اوکان پد بست و بند جوانی اٹ پورو مس ۔ نائب وزیراعظم پارے کہ ای سعودی وزارت خارجہ نا کمکاری نا ہم است انا ہب اٹ ستاءِ کیوہ خاص کر جدہ ٹیتروک آ طبی امداد و ایلو بست و بند آتیا اوفتا منت واری ءِ ہرفیوہ ۔ او پارے کہ پاکستان دا جلہو نا سخت انگا لوز آتیٹی مذمت ءِ کیک و دا ہیت انا درشانی ءِ کیک کہ سمندری مسافر و ملاح تا رکھ و سلامتی ءِ ہروخت پک کننگے۔ نائب وزیراعظم پارے کہ نن ٹھپی ملاح و غمزدہ خاہوت آتے ہر ممکن کمک فراوان کننگ سنبرینگوک اُن۔