بنجائی وزیر داخلہ نا پائلٹ آفیسر راشد منہاس شہید نا کزیہ دے آ اودے خراجِ عقیدت

اسلام آباد۔ 20 اگست (اے پی پی)بنجائی وزیر داخلہ محسن نقوی نشانِ حیدر دوئی کروک پائلٹ آفیسر راشد منہاس شہید نا کزیہ دے آ اونا عظیم قربانی ءِ خراجِ عقیدت پیش کرسا پارینے کہ راشد منہاس وطن نا دفاع کن تینا جان ءِ ندر کرسا تاریخاس نوشتہ کرے۔ وزیر داخلہ تینا کلہو اٹ پارے کہ راشد منہاس شہید نا بہادری،جیرت و فرض شناسی جنگی تاریخ نا روشنا بشخ و مچ آ قوم اکن کڑد انا قابل درور ءِ، او تینا جان نا پرواہ ءِ کپرسا وطن نا حرمت نا دفاع ءِ کرے۔ محسن نقوی پارے کہ راشد منہاس شہید اینو ہم ننا است آتیٹی زندہ ءِ و مدام زندہ سلک ، اونا وطن نا تون مہرومریبت نا لازوال قربانی ءِ قوم مدام قدر انا نظر اٹ یات تخک۔