سپیکر قومی اسمبلی نا پائلٹ آفیسر راشد منہاس شہید (نشانِ حیدر) ءِ خراجِ عقیدت

اسلام آباد۔ 20 اگست (اے پی پی)سپیکر قومی اسمبلی سردار ایاز صادق پائلٹ آفیسر راشد منہاس شہید (نشانِ حیدر) ءِ خراجِ عقیدت پیش کرسا پارینے کہ اونا قربانی حب الوطنی،جیرت و فرض شناسی نا لازوال درور ءِ۔ پنچ شنبے نادے آ راشد منہاس شہید نا 55 میکزیہ دے انا وخت آ کلہو اٹ او پارے کہ راشد منہاس شہیدلمہ وطن نا دفاع و سلامتی کن تینا جان ءِ ندر کرے۔ اونا بے مثال جیرت ، فرض شناسی و وطن تون مہرومریبت ورنا چین اکن کسر نا ڈیواءِ۔ او پارے کہ راشد منہاس شہید پاکستان نا دفاع و قومی سلامتی کن بدل مفروک عزم انا درشانی ءِ کرے۔ او پاکستان نا کم وئی انگا گلزادہ ءِ ءِ ہرادے بڑزکو عسکری اعزاز نشانِ حیدر تننگا۔ سپیکر پارے کہ قومی سلامتی و وتواجہی نا رکھ اکن ننا سلہہ بند فوج مدام لازوال قربانیتسنے ، راشد منہاس وطن نا دفاع اٹ جان ءِ ندر کرسا پک کرے کہ ملکی سلامتی ہر گڑاغان مست ءِ، او تینا جان ءِ ندر کرسا دشمن نا ناپاک عزم ءِ مش تا کرے ۔ اونا پاننگ ءِ کہ شہید آک قوم انا حقی ہیروک ءُ، قوم اوفتیا گمر کیک ، قوم شہید آتا قربانی تے مدام یات تخک۔ سردار ایاز صادق پائلٹ آفیسر راشد منہاس تون اوار مچ آ شہید آتا درجہ غاتا بڑزی کن دعا ہم کرے۔