صدر مملکت نا ہنگری نا پوسکن گچین مروک ہم منصب ءِ مبارکبادی

اسلام آباد۔ 20 اگست (اے پی پی)صدر مملکت آصف علی زرداری آندراش باکا ءِ ہنگری نا صدر گچین مننگ آ و ہنگری نا الس ءِ اوفتا قومی دے انا وخت آ مبارکبادی ترسا ہڑتوم آ ملک آتا نیام اٹ ہڑتوم آ کنڈآتا شریداری ءِ سوگو کننگ نا گرج آ زور شاغانے۔ ایوانِ صدر نا پریس ونگانا رداٹ پنچ شنبے نا دے آتینا تہنیتی کلہو اٹ صدر مملکت دا پت انا درشانی ءِ کرے کہ ہڑتوم آ ملک آتا نیام اٹ تین پہ تینی پت و اسیجائی فائدہ غاتیا تالان پاکستان و ہنگری نا تعلقداری آخبت نا سال آتیٹی پین سوگو مریک ۔ او پارے کہ او ہڑتوم آ کنڈآتا کمکاری،خاص کر سیاسی و پارلیمانیہن وبر ، واپار و زرکاری، شونداری کمکاری، موسمیاتی گام گیج، تعلیم، دودوربیدہ و ہجرت و نقل و حرکت نا بشخ آتیٹی پین ودفنگ کن پوسکن گچین مروک آ صدر آندراش باکا تون اوار ی اٹ کاریم کننگ نا خواہندار ءِ ۔ صدر مملکت ہنگری نا پوسکن گچین مروک آصدر نا جان جوڑی، سلامتی و سرسہبی اتون اواراوار ہنگری نا الس نا شونداری و شونہالی کن تینا نیک است خواہی تا درشانی ءِ ہم کرے۔