توانائی نا طلب و رسد اٹ توازن، ہندی وسیلہ غاتا گچین کاریم اٹ اتنگ و زرکاری کن سازگار چاگڑد حکومتی اولیت آتیٹی اوار ءِ، علی پرویز ملک

اسلام آباد۔ 20 اگست (اے پی پی)بنجائی وزیر پیٹرولیم علی پرویز ملک پارے کہ پاکستان نا مریس مدی توانائی سیکورٹی ءِ پک جوڑ کننگ کن توانائی نا بشخ انا غٹ بشخ ، خاص کر اپ اسٹریم، مڈ اسٹریم و ڈاؤن اسٹریم بشخ آتا نیام اٹ گچین رابطہ و ہم گرنچی المی ءِ، توانائی نا رکھ و پائیدار نظام ملکیزرگزرانی شونداری نا بنداو ءِ، ہندا سوب آن توانائی نا طلب و رسد اٹی توازن، ہندی وسیلہ غاتا گچین کاریم اٹ اتنگ و زرکاری کن سازگار چاگڑد نا فراوانی حکومت نا اہم اولیت آتیٹی اوار ءِ۔ دا خیال آتا درشانی ءِ او پنچ شنبے نادے آ پاکستان انرجی کانفرنس 2026 آن تران کرسا کرے۔ علی پرویز ملک پارے کہ وزیراعظم نا کماشی ٹی توانائی نا بابت قائم کمیٹی نا تُوئی بنداو آ دیوان مریک ہراٹی دا بشخ انا بابت اہم امور و پالیسی نا گام گیج آتا جاچ ءِ ہلنگک۔ بنجائی وزیر پارے کہ توانائی نا بشخ اٹیزرکار آتے کن سازگار چاگڑد ودی کننگ انگ ءِ انتئے کہ رکھ و پت انا قابل توانائی نا نظام ملکیزرگزرانی شونداری نا بنداو ءِ، دا بشخ اٹی پائیداری و زرگزرانی شونداریتون اوار اوار مون آ دروئی مریک۔ علی پرویز ملک پارے کہ توانائی نا طلب و رسد اٹی توازن ءِ برجا تخنگ کن مربوط و مریس مدی ڈٹ بندیبھاز اہم ءِ، حکومت توانائیٹی خود کفالت نا پالیسی آعمل کننگ ءِ و انرجی پالیسی ءِ پینگچین جوڑ کننگ کن گام گیج کننگ انگ ءِ۔ او پارے کہ حکومت ملکی توانائی نا وسیلہ غاتیانپبی فائدہ ہرفنگ کن سنبرینگوک ءِ، دا بشخ اٹی درآمدیسیبو ءِ کم کننگ، ہندی وسیلہ غاتا گچین کاریم اٹ اتنگ و صارف آتے مسابقتی نہاد آتیا توانائی نا فراوانی حکومت نا اولیت آتیٹی اوار ءِ۔ او پارے کہ حکومت توانائی نا پالیسی ٹی پین ہم گرنچی ودی کننگ و ملک انا توانائی نا رکھ ءِ گچین جوڑ کننگ کن چندی گام گیج کننگ ءِ، دا بشخ انا مریس مدی پائیداری کن المی ءِ کہ ہر ڈویژنتینانت تیا سلے ۔ او پارے کہ آبنائے ہرمز نا حالیت دا پیدوار کرینے کہ پاکستان پیشن نا عنصر آتا اثر آتا مقابلہ ٹیاخہ درحساس ءِ، ہندا سوب آن نیامیمد انا قومی توانائی نا پالیسی نا جوڑ کننگ اٹی پیٹرولیم نا بشخ ءِ ہم گچین وڑاٹ اوار کروئی مریک۔