وزیراعظم نا اپوزیشن ءِ اسہ وار ولدا مذاکرات نا پیشکش، ڈیزل نا نہاد اٹی 32 روپئی فی لیٹر کمتیستاکڑزوک ، بروک آ دے تیٹی حالیت گچین مریک، شہباز شریف

اسلام آباد۔ 20 اگست (اے پی پی)وزیراعظم محمد شہباز شریف اپوزیشن ءِ اسہ وار ولدا مذاکرات نا پیشکش کرسا پارینے کہ داسہ اپوزیشن آ ٹی ءِ کہ او اخہ زوت تعمیری گپ و تران کن تیارمریک ، پاکستان نا زرگزرانی شونداری و جمہوریت ءِ سوگو کننگ کن باندات آتے تولسا ایسرکروئی مریک ۔ پنچ شنبے نادے آداڑے بنجائی کابینہ نا دیوان آن تران کرسا وزیراعظم پارے کہ وزارت پٹرولیم نا کوشست آتیان ڈیزل نا نہاد اٹی 32 روپئی فی لیٹر کمتی کرین، ہرا ستاکڑزک، حکومت لس بندغ ءِ ہراکان کہ ممکن مریک بچت کرسا ریلیف ایتک۔ او پارے کہ خلیج و آبنائے ہرمز اٹی ہرا حالیت ءِ اونا سوب آن نئے بیرہ پٹرولیم نا سپلائیٹی مشکلات ءِ بلکن کیہی ملک آتا تینا ریفائنری و گیسانا پلانٹ آک بند تموک ءُ ، مچ آ ڈیہہ بھلو مشکل حالیت اسے آن گدرینگ انگ ءِ، پاکستان ہم اونا گواچی ءِ انتئے کہ ننا ملک توانائی نا بھلو خریدار اسے۔ وزیراعظم پارے کہ حکومت جنگ بناءکنگ تون ہی پی ایس ڈی پی آ کٹ خلسا 128 ارب روپئیفراوان کریسس تانکہ الس ءِ یکدم آسمان ءِ سر مروک آ پٹرولیم نا نہاد آتیان بچفنگ مرے، حکومت لس بندغ ءِ بچفنگ کن زوت گام گیجکرے، صوبہ غاک ہم داٹی تینا کڑد ءِ ادا کریر۔ او دا اومیت نا درشانی ءِ کرے کہ بروک آ دے تیٹی حالیت گچین مریک۔ او پارے کہ پاکستان نا کوشست آک رنگ اتیرہ ، نن کوشست کننگ اُن کہ بے چیٹی ٹی کمتی برے، حکومت دونیم سال اٹیزرگزران نا گچینی کن ہرا گام گیجآتے کرینے اونا اثر آک کرار کرار آ مون آ بننگ ءُ، امن نا حالیتآتا معمول آ بننگ داڑکن المی ءِ۔ وزیراعظم پارے کہ حکومت دروریٹیلرزآتےکن ایپ اسے نا بنا ءِ کرینے ہراڑآن اومیت ءِ کہ پوریاگربرادریہرافتا سلابت اٹ گام گیج کننگانے است جم مریک، ایف بی آر ءِ پیدوار پارت کرینے کہ پوریاگر آتا سلابت اٹ ڈٹ بندی کننگے و اوفتے اگہ کس اس تنگ کننگ نا کوشست کرے تو او سزا کن تیارسلے، او دا بابت وزیر خزانہ و وزیر مملکت خزانہ و اوفتا ٹیمانا کارکڑدا نا ستاءِ کرسا پارے کہ پوریاگرآتیکن اولیکو وار حکومت اسہ گچین سکیماس ایسنے۔ وزیراعظم پارے کہ آئی ٹی نا برآمد آتیٹیپدریسہ ودکی مننگ ءِ، جولائی 2026 اٹی داٹی  18 درسد ودکی مس، دا بھلو سرسہبی اسے ہراڑکن ای بنجائی وزیر انفارمیشن ٹیکنالوجی و اونا ٹیم ءِ مبارکباد ی ایتوہ۔ وزیراعظم پارے کہ گوگل نا اسہ ڈل اس پاکستان آ بسنے ہرافتے تون اِرا دے مست اوڑدہی مسوسس، گوگل نا پاکستان اٹی دفتر نا بنامسنے ، حکومت ہر بشخ اٹی ڈیجیٹلائزیشن کن گام گیج کننگ ءِ، گورننس نا مچ آ نظام ڈیجیٹلبایدے مرے۔ وزیراعظم پارے کہ حکومت اپوزیشن تون بامسخت گپ و تران کن تیار ءِ، قومی اسمبلیٹی ہم ای داناپیشکش کریسُٹ و کابینہٹی ہم و اینوولدا دا ہیت ءِ دوارہ کننگ خواوہ کہ نن تیاراُن و دا فورم آن اپوزیشن ءِ پیشکش کیوہ کہ او برے و تولے ہیت کے ،باندات آتے گپ و تران اٹ ایسر کیر تانکہ پاکستان نا زرگزرانی شونداری و جمہوریت ءِ سوگو ی تننگ مرے ولے چاپ اِرا دو ٹی مریک داسہ اپوزیشن آ ٹی ءِ کہ او اخہ زوت تعمیری گپ و تران کن تیارمریک۔