وزیر داخلہ دیوان ءِ سروکی ءَ کنت، ماتحت ادارہ آں چہ دو سالی بدلی ءِ منصوبہ ءِ لوٹ

اسلام آباد۔17اگست  (اے پی پی): وفاقی وزیر داخلہ محسن نقوی ءِ سروکی ءَ وزارت ءِ ماتحت ادارگ آنی سروک آنی دیوان برجم دارگ بوت، ایشی ءِ تہ ءَ اے ادارگ آنی کارکردگی ءَ را گہتر کنگ، وت مہ وتی رابطہ آناں مھکم کنگ ءُ نوکیں لوٹ آنی رد ءَ اصلاحات آنی سر ءَ عمل کنگ ءِ منصوبگ ءِ سر ءَ  دیمروئی  ءِ بابت ءَ   چار ءُ تپاسی کنگ بوت۔ سروک آناں ہدایت کنگ بوتگ کہ آ وتی وتی ادارگ آنی دو سالی جامع بدلی منصوبگ پیش بہ کن اَنت۔ گند ءُ نند ءِ تہ ءَ وزیر ءِ مملکت طلال چوہدری، سیکرٹری داخلہ، چیئرمین نادرا، ڈی جی ایف آئی اے، ڈی جی اے این ایف، نیشنل کوآرڈینیٹر نیکٹا ءُ ایندگر مزنیں کارندہ آں بھر زوری کت۔ وزیر داخلہ محسن نقوی ءَ توامیں ادارگ آناں ہدایت کت کہ آ وت مہ وتی رابطہ ءُ ہم آہنگی ءَ را گیش مھکم بہ کن انت۔ آئی ءَ گوشت کہ وزارت داخلہ ءِ کار ایندگہ وزارت آنی مقابلہ ءَ جتا ءُ غیر معمولی انت، پمیشکا مئے مول ءُ مراد ہمیش انت کہ ہر چیردستیں ادارگ ءَ را مثالی ءُ مردم دوست جوڑ کنگ بہ بیت۔ آئی ءَ توامیں ادارگ آنی سروک آناں ہدایت کت کہ آ وتی وتی ادارگ آنی دو سالی جامع بدلی منصوبگ پیش بہ کن اَنت۔ وزیر داخلہ ءَ اے گپ ءِ سر ءَ زور پر دات کہ ادارگ وت واجہی ءُ بااختیار بہ بنت، آ وتی پیسلہ ءَ بہ کن اَنت، ھمک معاملہ ءِ وزارت ءَ دیم دیگ ءِ ضلورت نہ اِنت۔ آئی ءَ گوشت کہ ھر جاگہ ​​کہ ضلورت بیت گُڑا زوت کانود آنی تہ ءَ ترمیم ءُ اصلاحات ءِ سوج پیش کنگ بہ بیت۔ الس ءَ را جوانیں آسراتی پجاری ءُ سیکورٹی ءِ جیڈھ آنی سر ءَ تران کنان ءَ محسن نقوی ءَ گوشت کہ توامیں ادارگ آنی سروک ڈیٹا ءُ سائبر سیکورٹی ءِ ھوالگ ءَ جوانیں ءُ سرجمیں گامگیج آناں دل یکیمی کنگ لوٹ ایت۔ آئی ءَ لینڈ پورٹ اتھارٹی ءَ ھوار نوک جوڑ بوتگیں ادارگ آناں سرجمی ءَ کمک ءِ دل یکیمی دات ءُ گوشت کہ توامیں ادارگ آناں لوٹ ءِ رنگ ءَ پُجاری کنگ بیت۔ وزیر داخلہ ءَ اے گپ پدر کت کہ گوستگیں سال ءَ حج آپریشن ءِ ساھت ءَ منشیات ءِ قاچاق ءِ یک کیسے ھم دیم ءَ نہ اتکگ ءُ اے سال مئے ادارگ آنی کارکردگی ءِ تہ ءَ گہتری ءِ پدریں ثبوت انت۔ اے موہ ءِ سر ءَ وزیر ءِ مملکت طلال چوہدری ءَ گوشت کہ وفاقی ادارگ آنی تہ ءَ نا کار کنگ ءِ دود ءُ ربیدگ بوتگ بلے ما اے ذہنیت بدل کتگ۔ آئی ءَ اے گپ ءِ سر ءَ زور پر دات کہ نوں درستیں ادارگ آناں ٹارگٹ ءِ سر ءَ مبنی ، پیداواری ءُ کارکردگی ءِ سر ءَ مبنی رنگ ءَ کار کنگ لوٹ ایت۔ گند ءُ نند ءِ ساھت ءَ چیردستیں ادارگ آنی سروک آں وتی ھیال ءُ لیکہ درشان کنان ءَ گوشت کہ وزیر توکی کار محسن نقوی ءِ سروکی ءَ وزارت ءِ ادارگ آنی تہ ءَ بنیاتی ءُ جوانیں بدلی اتکگ۔ دیوان ءَ آئی جی فیڈرل کانسٹیبلری، ڈی جی این سی سی آئی اے، ایم ڈی لینڈ پورٹ اتھارٹی، ڈی جی پاسپورٹ ءُ امیگریشن، چیف کمشنر ءُ آئی جی اسلام آباد پولیس، چیئرمین سوشل میڈیا ریگولیٹری اتھارٹی ءُ فیڈرل پراسیکیوٹر جنرل ءَ ھم بھر زوری کتگ۔