وفاقی وزیر دریائی امور بندرگاہ قاسم ءَ 400 ایکڑ ءِ ‘’اپیرل زون” ءِ جوڑ کنگ ءِ منصوبہ ءِ جار جتگ

اسلام آباد۔17اگست  (اے پی پی): وفاقی وزیر برائے میری ٹائم محمد جنید انور چوہدری  ءَ پورٹ قاسم ءَ 400 ایکڑ ءِ ’’اپریل زون‘‘ (گارمنٹ انڈسٹری ءِ مرکز) ءِ جوڑ کنگ ءِ منصوبگ ءِ جار جتگ۔ منصوبگ ءِ اولی بھر ءَ چہ 138ہزار ءَ چہ گیش روزگار ءِ موہ پیداک کنگ ءُ سالانہ 2.2ارب ڈالر ءِ نزیک ءَ برآمدات پیداک کنگ ءِ گمان اِنت۔ گیشینتگیں گارمنٹ سٹی منصوبگ ءِ ھوالگ ءَ پرو کو میٹنگ ءِ سروکی ءَ وزیر ءَ گوشت کہ اے برآمدات ءِ سر ءَ مبنی صنعتی کلسٹر ہائی اینڈ گارمنٹس ءِ جوڑ کنگ ءِ سر ءَ دلگوشی دنت ءُ نجی سرمایہ کاری ءَ را را وتی نیمگ ءَ رازیگ کنت۔ منصوبگ ءِ آؤٹ لائن ءِ رد ءَ اولی بھر 250 ایکڑ ءِ دمگ ءَ ھوار کنگ بیت کہ ایشی ءِ تہ ءَ 35درسد ءِ دمگ اندری سڑک، افادیت (آسولت جوڑ کنگ ءِ واستہ) ءُ سبزیں دمگ آنی واستہ ایر کنگ بیت۔ اے منصوبگ ءِ ڈھانچہ سرکاری ءُ نجی شراکت داری ءِ چیر دستی ءَ جوڑ کنگ بوھگ ءَ اِنت۔ گیشینتگیں تجارتی ڈھانچہ ءِ تہا 5 ایکڑ ءِ 32 صنعتی پلاٹ ھوار انت (بلے پلاٹ ءِ کساس ءَ 2 یا 3 ایکڑ ءَ کم کنگ بوت کنت کہ گیشتر سرمایہ کار ءُ مینوفیکچرنگ یونٹاں جاہ بہ دنت)۔ بندرگاہ قاسم اتھارٹی ءِ نیمگ ءَ چہ ایشی ءِ بنیاتی ڈھانچہ ءُ آسراتی رس ایت۔ ہر صنعتی یونٹ 8 پونڈ فی مربع انچ (پی ایس آئی) ءِ دباؤ ءَ روچے 400,000 گیلن آپ، 2 میگاواٹ آن گرڈ بجلی ءُ 23,100 پونڈ صنعتی گیس ءِ سپلائی کنگ ءِ اہل بیت، کہ 10 ءَ چہ بھاپ ءِ لوٹاں پیلو کنگ ءِ ھاتر ءَ کافی انت۔ ‘پاؤنڈ فی مربع انچ’ (PSI) دباؤ ءِ پیمائش ءِ یک یونٹے ۔ اے گپ ءَ پدر کنت کہ یک مربع انچ ءِ دمگ ءَ چے پیمیں زور ءِ کارمرز کنگ بوھگ ءَ اِنت۔ 8 PSI ءِ بزانت ایش انت کہ ہر مربع انچ ءِ سرا 8 پونڈ زور ءِ سرا عمل کنگ بوہگ ءَ انت۔ منصوبگ ءِ سرجمیں منصوبہ یوٹیلٹی کنسلٹنسی ءَ روچے 13 ملین لیٹر ءِ شوریں آپ ءِ پجارینگ، 64 میگاواٹ آن گرڈ بجلی ءُ 750ہزار پونڈ صنعتی گیس ءِ پھجارینگ ھوار اِنت۔ جنداس چوہدری ءَ گوشت کہ پرائیویٹ سیکٹر ءِ بھر زوری منصوبگ ءِ یک المی ئیں بھرے بیت۔ اے منصوبگ ءِ چیر دستی ءَ پاکستان ءِ ٹیکسٹائل ءُ ڈینم جوڑ کنوکیں کمپنی ’آرٹسٹک ملینرز‘ 18ملین ڈالر ءَ چہ گیش سرمایہ کاری ءِ گوما مینوفیکچرنگ یونٹ ءِ جوڑ کنت، ایشی ءِ تہ ءَ ’عمودی انضمام‘ ءُ ماحول دوست (سبز) ٹیکنالوجی ھوار بنت۔ منصوبگ ءِ تہ ءَ برآمد کنوک آنی واستہ ’یک ونڈو‘ ءِ نظام ھم دیم ءَ آرگ بیت، ایشی ءِ تہ ءَ برآمداتی عمل آنی آسراتی، ھاسیں کسٹم ڈیسک ءُ ٹرانسپورٹ ءِ واستہ سرپدیں راہداری ھوار بنت۔ دیوان ءِ تہ ءَ کتگیں اندازگ ءِ رد ءَ اولی بھر ءَ 138125روزگار ءِ موہ پیداک کنگ بنت ءُ سالانہ برآمدات ءِ کساس 2.2ارب ڈالر بیت۔ اے منصوبہ ءِ مول ءُ مراد ہم ایش انت کہ گارمنٹس ءِ اوسط برآمداتی قدر ءَ را فی شخص ءِ 8 ڈالر ءِ نزیک ءَ گیش کنگ بہ بیت۔ وفاقی وزیر ءَ گوشت کہ اے گامگیج پاکستان ءِ وتی صنعتی بنجاہ ءُ برآمداتی گنجائش ءَ را گیش کنگ ءِ کوشست آنی بھر اِنت، ایشی ءِ چیر دستی ءَ گیشینتگیں ’اپرکل زون‘ (خاص گارمنٹس زون) ءَ بندرگاہ ءِ بنیاتی ڈھانچہ، یوٹیلٹیز، کسٹم ءِ آسراتی ءُ نجی سرمایہ کاری ءَ را یکجا کنگ بیت۔