وفاقی وزیر مواصلات ءَ بلوچستان ءَ سوبمندیں آپریشن ءِ ھاتر ءَ سیکورٹی فورسز ءَ را  توسیپ ءُ  ستا

اسلام آباد۔17اگست  (اے پی پی): وفاقی وزیر مواصلات عبدالعلیم خان ءَ بلوچستان ءِ دمگ کلی زائیک  ءَ انٹیلی جنس ءِ بنیات ءَ سوبمندیں آپریشن ءِ ھاتر ءَ سیکورٹی فورسز ءَ را خراج تحسین پیش کتگ۔ یک بیانے ءِ تہ ءَ وفاقی وزیر ءَ گوشت کہ کلی زائیک ءَ فتنہ الهندستان ءِ ناشرکار آنی ھلاپ ءَ سوبمندیں آپریشن مئے اُرد آنی مزنیں توانائی آنی وشیں درشان اِنت، آئی ءَ وھد ءِ سر ءَ گامگیج زورگ ءَ ناشرکار آنی بدیں ارادہ آناں ناکام کتگ ءُ ملک ءَ را مزنیں تاوان ءَ چہ رکینتگ۔ عبدالعلیم خان ءَ گوشت کہ بلوچستان ءَ امن ءُ ایمنی ءِ بحالی ءِ واستہ سیکورٹی ادارگ آنی قربانی سرجمیں راج ءِ واستہ پھر ءِ آدینک انت۔ آئی ءَ اے جزم ءِ پدا زور دات کہ سیکورٹی فورسز ءِ کارروائی گوں سرجمیں زور ءَ برجاہ بنت داں فتنہ الهندستان ءِ سرجمیں سلیپر سیل ءُ ناشرکار سرجم ءَ ھلاس کنگ بہ بنت۔