وفاقی وزیر اورنگزیب خان کھچی  ءَ فوٹو جرنلسٹ ایسوسی ایشن ءِ نوک گچین بوتگیں عہدہ داراں مبارک بات

اسلام آباد۔17اگست  (اے پی پی): راجی مڈی ءُ دود ءُ ربیدگ ءِ وفاقی وزیر اورنگزیب خان کھچی ءَ راولپنڈی اسلام آباد فوٹو جرنلسٹ ایسوسی ایشن ءِ سالانہ گچین کاری ءَ اے پی این اے پینل ءِ درستیں امیدوار آنی بے ھلاپ ءِ گچین کاری ءِ سر ءَ نوکیں گچین بوتگیں اگدہ دار آناں مبارک بات داتگ۔ وتی بیان ءِ تہ ءَ آئی ءَ سجاد حیدر ءَ را بیست ءُ دومی رند ءَ صدر گچین بوھگ ءِ سر ءَ ھم مبارکی دات ءُ گوشت کہ فوٹو جرنلسٹ راجی، دود ءُ ربیدگ ءُ راجدپتری چست ءُ ایراں الس ءِ دیم ءَ آرگ ءَ ھاسیں کرد پیلو کنگ ءَ اَنت۔ وفاقی وزیر ءَ نوک گچین بوتگیں اگدہ دار آنی واستہ نیکیں واھگ آنی درشان کنان ءَ گوشت کہ امیت انت کہ نوکیں سروکی فوٹو جرنلسٹ آنی وشھالی، پیشہ وارانہ ھک آنی رکھینگ ءُ آوانی دیم ءَ اوشتاتگیں جیڈھ آنی گیواری ءِ واستہ جوانیں کرد پیلو کنت۔ دومی نیمگ ءَ راولپنڈی اسلام آباد فوٹو جرنلسٹ ایسوسی ایشن ءِ سالانہ گچین کاری ءَ اے پی این اے پینل ءِ درستیں اُمیت وار بے ھلاپ کنگ  ءَ گچین کنگ بوتگ اَنت۔ الیکشن کمیشن ناصر میر  ءُ باسک   عامر لودھی  ءِ رد ءَ  سجاد حیدر صدر، جہانگیر چوہدری سینئر نائب صدر، ایم جاوید اور مدثر راجہ نائب صدور، سہیل شہزاد جنرل سیکرٹری، محمد عاصم فنانس سیکرٹری، فیصل خان جوائنٹ سیکرٹری  ءُ  سید مہدی انفارمیشن سیکرٹری گچین بوت اَنت۔ گورننگ  باڈی  ءِ باسک آنی تہ ءَ  حبیب شیخ، راجہ خالد، راجہ ظفر، عابد ضیا، طاہر کاظمی، راجہ عاصم  ء ُ  عمر فاروق  ھوار انت کہ آ ھم بے ھلاپ ءَ سوبمند لیکگ بوتگ انت۔ سجاد  حیدر ءَ وتی ہمراہ فوٹو جرنلسٹ آنی شگر ءُ منت  گپت ءُ آہانی گہبود ءِ واستہ دیم ءَ کار کنگ ءِ جزم ءِ درشان کت۔