راجی اسمبلی ءِ اسپیکر  ءِسروکیءَپارلیمان سروک آنی  ارزشتی ایں شور ءُ مشوری دیوان مرچی 4 کلاک ءَ بیت

اسلام آباد۔17اگست  (اے پی پی): راجی اسمبلی ءِ اسپیکر سردار ایاز صادق ءَ مرچی (دو شمبے) سہب ءِ چاربج ءَ پارلیمانی سروک آنی ھاسیں مشاورتی دیوان گوانک جتگ ایشی ءِ تہ ءَ راجی ءُ پارلیمانی جیڈھ آنی سر ءَ سرجمیں رنگ ءَ گپ ءُ تران کنگ بوتگ۔ راجی اسمبلی ءِ جارکش ءِ رد ءَ اے مشاورتی دیوان ءِ مستریں مول ءُ مراد راجی اسمبلی ءِ بیست ءُ نومی دیوان ءِ ایجنڈا ءُ پارلیمانی کاروائی ءَ گوں سیادی داروکیں ایندگر ھاسیں جیڈھ آنی سر ءَ وت مہ وتی شور ءُ سلاھ کنگ اِنت۔ ھاسیں ءُ راجی جیڈھ آنی سر ءَ کہ مرچی ءَ چہ بندات بوھوکیں راجی اسمبلی ءِ دیوان ءِ ساھت ءَ گپ ءُ تران کنگ بیت آ آنی سر ءَ ھم پارلیمانی سروک آنی گوما سرجمی ءَ گپ ءُ تران کنگ بیت تانکہ ایوان ءِ کاروائی جوانیں رنگ ءَ ءُ آسانی ءَ گوں دیم ءَ برگ بہ بیت۔ ترجمان ءَ اے گپ ءِ پدرائی کت کہ سرجمیں پارلیمانی رہشوناں اے ھاسیں مشاورتی دیوان ءَ بہر زورگ ءِ باقاعدہ ھال دیگ بوتگ تانکہ درستیں گل آنی نمائندگی ءُ مشورہ کنگ بہ بیت۔