کشمیر ءِ ھمک غم پاکستان ءِ غم انت، کلیں راج کشمیری برات ءُ گھارانی ھمراھی ءَ اوشتاتگ انت، مصطفیٰ کمال

اسلام آباد۔5اگست  (اے پی پی): وفاقی جان سلامتی ءِ وزیر مصطفیٰ کمال ءَ کشمیر ءِ لگت مالی  ءِ روچ ءِ موہ ءَ وتی کلوہ ءِ تہ ءَ گوشت کہ مقبوضہ جموں ءُ کشمیر ءَ بنیاتی انسانی ھک آنی برجاھیں لگتمالی سک پریشان کنوک انت ءُ کشمیری راج دہائیاں چہ زلم ءُ زوراکی ءِ آماچ انت۔ کشمیر ءِ ھمک غم پاکستان ءِ غم اِنت ءُ سرجمیں راج وتی کشمیری برات ءُ گھارانی ھمراھی ءَ اوشتاتگ۔ آئی ءَ گوشت کہ 5اگست 2019 ءَ بھارت ءَ یک نیمگی کارروائی آنی وسیلگ ءَ اقوام متحدہ ءِ قرارداد ءُ میاں اوستمانی کانود آنی مزنیں ھلاپ ورزی کتگ ایشی ءِ سبب ءَ مقبوضہ کشمیر ءِ ھاسیں آئینی بستار ھلاس کنگ بوتگ۔ وفاقی جان سلامتی ءِ وزیر ءَ گوشت کہ 5اگست مارا کشمیری الس ءِ سر ءَ کنگ بوھوکیں ظلم ءُ زوراکی ءُ آجوئی ءِ واستہ جہد ءُ کوشست ءِ یات ءَ کیت۔ کشمیری اُلس ءِ قربانی بے سوب نہ رو اَنت ءُ ایشانی وت واجئی ءِ جہد ءُ کوشست ءَ را دپ کپگ نہ بیت۔ مصطفیٰ کمال ءَ گوشت کہ کشمیر ءِ ھمک غم پاکستان ءِ غم انت ءُ سرجمیں راج وتی کشمیری برات ءُ گھار آنی گوما اوشتاتگ۔ آئی ءَ چہ میاں اوستمانی براتی ءَ لوٹ کت کہ آ مقبوضہ کشمیر ءِ جاور ھال آنی سر ءَ سنجیدگی ءَ گوں دلگوش بہ کنت ءُ بھارت ءَ را اقوام متحدہ ءِ سلامتی کونسل ءِ ھمگرنچیں قرارداد آنی سر ءَ عمل کنگ ءِ واستہ پابند کنگ ءِ تہ ءَ جوانیں کرد پیلو بہ کنت۔ وفاقی جان سلامتی ءِ وزیر ءَ اے جزم ءِ درشان کت کہ پاکستان کشمیری الس ءَ را سیاسی، اخلاقی ءُ سفارتی کمک ءَ برجاہ دار ایت ءُ اقوام متحدہ ءِ قرارداد آنی رد ءَ کشمیر ءِ جیڈھ ءِ انصاف ءِ گیواری ءِ رسگ ءَ تاں وتی جہد ءُ کمک ءَ برجاہ دار ایت۔