بین الاقوامی براتی ءَ بھارت ءِ قبضہ ءِ چیر ءَ جموں ءُ کشمیر ءَ انسانی حقانی لگتمالی ءِ نوٹس بہ زوریت، احسن اقبال

اسلام آباد۔5اگست  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ 5اگست مئے راجدپتر ءِ دردناکیں موڑ اِنت کہ بھارت ءِ قبضہ ءِ چیر ءَ جموں ءُ کشمیر ءِ اُلس ءِ پجار، آجوئی ءُ بنیاتی ھک آنی سر ءَ بدترین اُرش کنگ بوتگ۔ آئی ءَ وتی کلوہ ءِ تہ ءَ گوشت کہ اے روچ کشمیری الس ءِ وت واجئی ءِ ھک ءِ سر ءَ بندش ءِ علامت ءُ میاں اوستمانی کانود آنی پدریں ھلاپ ورزی ءِ علامت اِنت۔ وفاقی وزیر ءَ گوشت کہ آئی ءَ مئے کشمیری برات ءُ گھار آنی تکلیف، قربانی ءُ استقامت ءِ نزیکی ءَ چہ سما کتگ۔ کشمیر ایوک ءَ سیاسی یا جغرافیائی جنجال ءِ نہ انت بلکینگ ءَ پاکستان ءِ جند، دل ءُ جان انت ۔ پروفیسر احسن اقبال ءَ گوشت کہ جموں ءُ کشمیر ءِ مات آنی صبر، ورنا آنی بے دروریں کوشست ءُ بھارت ءِ ناجائزیں قبضہ ءِ چیر ءَ زھگ آنی جزم اے گپ ءِ ثبوت انت کہ زلم ءُ زوراکی یک راجے ءِ آجوئی ءِ جذبہ ءَ را شکست دات نہ کنت۔ آئی ءَ اے جزم ءِ یک رندے پدا گوشت کہ پاکستان ھمک سفارتی، سیاسی ءُ میاں اوستمانی دیوان ءَ کشمیری راج ءِ بنیاتی ھک، انصاف ءُ وت واجئی ءِ ھک ءِ سر ءَ زبردستی ءَ گوں ھکل کنگ ءَ برجاہ دار ایت۔ آئی ءَ گوشت کہ مرچی آ وتی توامیں کشمیری برات ءُ گہار آنی گوما اے عہد ءِ پدا زور دیان آں کہ پاکستان ھمک ساھت ءَ آھانی ھمراہی ءَ اوشتاتگ۔ مئے توار، مئے سفارتی کوشست ءُ مئے دعا کشمیری راج ءِ گوما اوشتاتگ انت، ءُ آہانی جائزیں جہد ءِ حمایت ہر تک ءُ پہنات ءَ برجاہ بیت۔ پروفیسر احسن اقبال ءَ چہ میاں اوستمانی براتی ءَ لوٹ کت کہ آ بھارت ءِ ناجائزیں قبضہ ءِ چیر دستی ءَ جموں ءُ کشمیر ءَ انسانی ھک آنی لگتمالی ءِ سر ءَ نوٹس بہ زور اَنت، اقوام متحدہ ءِ سلامتی کونسل ءِ ھمگرنچیں قرارداد آنی سر ءَ عمل کنگ ءَ را دل یکیمی کنگ ءِ تہ ءَ جوانیں کرد پیلو بہ کن اَنت ءُ کشمیری راج ءِ وت مہ وتی ءِ ھک ءِ سر ءَ دل یکیمی کنگ ءِ تہ ءَ وتی ذمہ واری آناں پیلو بہ کن اَنت۔