وفاقی وزیر ھزانگ ءَ امریکی تجارتی نمائندہ ءَ گوں عملی رنگ ءَ گند ءُ نند کتگ، دو نیمگی تجارتی ءُ اقتصادی کمک ءِ دیمروئی ءِ سرا تپاک

اسلام آباد۔5اگست  (اے پی پی): وفاقی وزیر برائے ھزانگ ءُ  آمدنی   سینیٹر  اورنگزیب ءَ امریکی تجارتی نمائندہ (امریکی تجارت) جیمیسن گریئر   ءَ گوں ورچوئل رنگ ءَ گند ءُ نند کتگ تانکہ پاکستان ءُ امریکہ ءِ نیام ءَ دو نیمگی تجارتی ءُ اقتصادی کمک ءَ را گیش مھکم کنگ ءِ واستہ برجاھیں گپ ءُ تران ءِ تہ ءَ بوتگیں پیشرفت ءِ سر ءَ چار ءُ تپاسی کنگ بوتگ۔ وزیر ھزانگ ءَ واشنگٹن ڈی سی ءَ بوتگیں گوستگیں گند ءُ نند آنی حوالہ ءَ گپ ءُ تران کنوکیں ٹیم آنی نیمگ ءَ چہ بوتگیں پیشرفت ءَ را وش اتک کت ءُ گپ ءُ تران ءِ وھد ءَ دوئیں نیمگ آنی جوانیں ءُ جوڑیشت ءِ رھبند ءَ را ساڑات۔ دوئیں نیمگ ءَ اے گپ ءِ سر ءَ دل یکیمی ءِ درشانی کت کہ مجوزہ دو نیمگی تجارتی فریم ورک ءِ سر ءَ گپ ءُ تران ءَ مزنیں پیشرفت بوتگ ءُ زوتاں چہ زوت اے معاہدے ءَ را گڈی رنگ ءَ دیگ ءِ وتی عزم ءِ پدا زور دات۔ وزیر ھزانگ ءَ پاکستان ءِ اقتصادی اولیت آنی رد ءَ مذاکرات ءِ رفتار ءَ را برجاہ دارگ ءِ ارزشت ءِ سر ءَ زور پر دات۔ آئی ءَ گوشت کہ امریکہ ءِ گوما بیپاری ءُ سرمایہ کاری ءِ بنیات ءَ مھکمیں شریکداری ءَ چہ پاکستان ءِ برآمدات ءِ سروکی ءَ اقتصادی حکمت عملی ءَ را مھکم کنگ بیت، معیشت ءَ را گیش مھکم کنگ ءَ کمک رسیت، ءُ دوئیں ملک آنی تہ ءَ کاروبار آنی واستہ نوکیں تجارتی ءُ سرمایہ کاری ءِ موہ پیداک بنت۔ آئی ءَ دو نیمگی تجارت ءُ سرمایہ کاری ءَ را دیمروئی دیگ ءِ واستہ امریکی ایکسپورٹ امپورٹ بینک (ایگزم بینک) ءِ گوما برجاھیں کمک ءِ ارزشت ءِ سر ءَ ھم زور پر دات۔ سفیر جیمیسن گریئر  ءَ گپ ءُ تران ءِ عمل ءَ پاکستان ءِ برجاھیں ءُ جوانیں بھر زوری ءِ توسیپ کت ءُ مزدور ءِ ھک ءُ ریگولیٹری اصلاحات ءِ ھوالگ ءَ پیشرفت ءِ توسیپ کت، ھاسیں رنگ ءَ جبری کار ءِ گر ءُ دار ءِ گامگیج آنی سر ءَ توسیپ کت۔ آئی ءَ وتی جزم ءِ درشان کت کہ امریکہ دو نیمگی تجارتی گپ ءُ تران ءِ جوانیں رفتار ءَ را برجم دارگ ءِ واستہ جزم انت ءُ دل یکیمی ءِ درشان کت کہ رند ءَ چہ رند ءِ جیڈھ ھم تکنیکی تک ءَ برجاھیں رابطہ آنی وسیلگ ءَ زوت گیش ءُ گیوار کنگ بنت۔ وزیر ھزانگ ءَ نزیکیں رابطہ برجائی ءِ ضلورت ءِ سر ءَ زور پر دات ءُ تکنیکی تک ءَ گپ ءُ تران ءَ را گیش تازگی آرگ ءِ ضلورت ءِ سر ءَ زور پر دات تانکہ پیشرفت ءَ را گیش دیم ءَ برگ بہ بیت۔ وزیر ءِ درئی کار ءَ تاں انوگ ءَ بوتگیں پیشرفت ءِ سر ءَ دل یکیمی ءِ درشان کنان ءَ اے گپ ءِ سر ءَ تپاک کت کہ مجوزہ دو نیمگی بیپاری فریم ورک ءِ باقی نکات آناں زوتاں چہ زوت ءَ را گڈی رنگ ءَ سرجم کنگ ءِ واستہ باقاعدہ رابطہ برجاہ دارگ بنت تانکہ پاکستان ءُ امریکہ ءِ نیام ءَ دیریں اقتصادی شریکداری ءَ را گیش مھکم کنگ بہ بیت۔ دیوان ءَ وفاقی سیکرٹری کامرس جاوید پال ءُ امریکی تجارتی نمائندہ ءِ کارگس ءِ مزنیں کارندہ آں ھم بھر زوری کتگ۔