محسن نقوی ءَ دیوان ءِ سروکی کتگ، کیپیٹل ایمرجنسی سروسز ءَ را زوت یک فعالیں ادارگ جوڑ کنگ ءِ پنت ءُ شون کتگ، کشمیر  چوک ءُ فاصل مسجد ءِ انڈر پاسانی سر ءَ کار آیوکیں ماہ ءَ بندات کنگ ءِ پنت ءُ شون

اسلام آباد۔5اگست  (اے پی پی): وفاقی داخلہ ءِ وزیر محسن نقوی ءَ اسلام آباد ءَ ایمرجنسی 1122 ءِ غیر باقاعدہ اسٹارٹ اپ ءِ سر ءَ ناپسندی ءِ درشان کنان ءَ پنت ءُ شون کتگ کہ کیپیٹل ایمرجنسی سروسز ءَ را ترندی ءَ یک فعال ادارگ جوڑ کنگ ءِ واستہ کار کنگ بہ بیت، قانونی لوٹ آناں سرجم کنگ بہ بیت ءُ کیپیٹل ایمرجنسی سروسز ءِ چار نوکیں مراکز ءِ سر ءَ کار بندات کنگ بہ بیت۔ وزیر داخلہ محسن نقوی ءِ سروکی ءَ سی ڈی اے ءِ ہیڈ کوارٹر ءَ دیوان برجم دارگ بوت، ایشی ءِ تہ ءَ اسلام آباد ءَ جاری ءُ نوکیں دیمروئی منصوبگ آنی سر ءَ سرجمیں چار ءُ تپاسی آرگ بیت۔ وفاقی تہی کارانی وزیر محسن نقوی ءَ گوشت کہ اسلام آباد ءَ الس ءِ آسراتی ءُ ٹریفک ءِ روانی ءِ واستہ دو نوکیں انڈر پاس جوڑ کنگ بیت۔ کشمیر چوک ءُ فاصل مسجد انڈر پاس ءِ سرا آیوکیں ماہ ءَ کار بندات بیت۔ دیوان ءَ سی ڈی اے ءِ دائمی آمدنی ءِ تہ ءَ گیشی ءِ واستہ جتاجتائیں تجویز آنی سر ءَ چار ءُ تپاسی کنگ بیت۔ تہی کارانی وزیر محسن نقوی ءَ گوشت کہ مالی وت واجہی ءِ واستہ دراجیں مدت ءِ ریونیو ماڈل ءِ سر ءَ کار کنگ بہ بیت۔ توسعہ ءِ منصوبہانی ہمراہی ءَ ادارہ ءِ مالی طاقت ہم ہمے پیم ءَ ہژدری انت۔ آمدنی ءِ تہ ءَ گیشی ءِ واستہ قابل عمل منصوبگ آنی سر ءَ ترندیں پیشرفت کنگ بہ بیت۔ تہی کارانی وزیر محسن نقوی ءَ پنت ءُ شون کت کہ ایکسپریس وے سروس روڈ منصوبگ ءِ سرا کار ٹھینگ بوتگیں وھد ءُ پاس ءِ رد ءَ سرجم کنگ بہ بیت۔ گند ءُ نند ءَ اسلام آباد ءِ جتا جتائیں مزنیں منصوبگ آنی ھوالگ ءَ پیشرفت ءُ آیوکیں منصوبگ بندی ءِ ھوالگ ءَ سرپد کنگ بوت۔