بیرسٹر دانیال چوہدری ءَ راولپنڈی ءَ سئے پناہ گیر آ  نی  سیٹ آنی سر ءَ مسلم لیگ (ن) ءِ دراجیں سوبمندی ءِ سر ءَ الس ، کشمیری پناہ گزین ءُ پارٹی باسک آناں مبارک بات

راولپنڈی۔2اگست  (اے پی پی): وفاقی پارلیمانی سیکرٹری برائے اھوالکاری ءُ شنگ کاری   بیرسٹر دانیال چوہدری ءَ راولپنڈی ءِ الس، کشمیری پناہ گیر  ءُ پارٹی کارندہ آناں آزاد جموں ءُ کشمیر اکسملی لیجسلڈ ءِ سئے پناہ گزین سیٹ آنی سر ءَ مسلم لیگ ءِ دراجیں سوبمندی ءِ سر ءَ مبارکی دات۔ وتی بیان ءِ تہ ءَ بیرسٹر دانیال چوہدری ءَ گوشت کہ راولپنڈی ءُ پناہ گزین آنی الس ءَ یک رندے پدا مسلم لیگ ءِ سروک محمد نواز شریف ءِ بیانیہ ءِ سر ءَ وتی بے دروریں ایمان ءِ درشان کتگ ءُ سئے سیٹ آنی گرگ ءَ آئی ءَ را سوگات داتگ۔ آئی ءَ گوشت کہ ایشی ءَ اے گپ ثابت کتگ کہ کشمیری الس انگت مسلم لیگ ن ئِ سروکی ئِ گوما اوشتاتگ۔ وفاقی پارلیمانی سیکرٹری ءَ گوشت کہ کشمیری پناہ گِراں وتی ووٹ ءِ طاقت ءَ گوں اے گپ پدر کتگ کہ مسلم لیگ ن ایشانی راستیں نمائندہ پارٹی انت۔ آئی ءَ گوشت کہ کشمیر پاکستان ءِ جگولر رگ ءُ مئے دل آنی دھڑکن انت، کشمیری آنی توار ءَ را دپ کپگ ءِ ھمک کوشست بے سوب بیت۔ آئی ءَ گوشت کہ مسلم لیگ ن گوست ءِ وڑ ءَ آیوکیں وھد ءَ ھم کشمیری پناہ گزین ءُ کشمیری الس ءِ ھک آنی رکھینگ ءِ واستہ ھمک فورم ءَ سرجمی ءَ کرد پیلو کنت ءُ پناہ گیر آنی نندگ جاہ آنی رکھینگ ءِ واستہ ھچ وڑیں قربانی ءِ رکھینگ نہ بیت۔