ملک ءِ دیمروی ءِ واستہ برآمد ءِ سرا مبنی معیشت جوڑ کنگ بہ بیت۔ ای گاڑی آنی دیمروئی ءَ چہ ایندھن ءِ درآمد ءِ ھرچ ءُ درچ ءَ را کم کنگ ءَ ھاسیں کرد پیلو بیت، احسن اقبال

لاہور۔25جولائی  (اے پی پی): وفاقی وزیر ءِ منصوبہ بندی ءُ دیمروئی احسن اقبال ءَ گشتگ کہ ملک ءِ دیمروئی ءِ ھاتر ءَ پائیدار توانائی، نوآبادیاتی ءُ صنعتی توسیپ ءِ سرا بندوک انت۔ درآمدات ءِ انحصار ءَ چہ دور بوھگ ءَ برآمدات ءِ سرا مبنی معیشت جوڑ کنگ لوٹیت۔ ای وی ءِ انقلاب بوتگ۔ الیکٹرک گاڑی آنی دیمروئی ءَ چہ ایندھن ءِ درآمد ءِ ھرچ ءُ درچ ءَ را کم کنگ ءَ مزنیں کردے پیلو بیت۔ جدید ٹیکنالوجی، الیکٹرک گاڑی ءُ سبز توانائی ءِ نیمگ ءَ تیزی ءَ گوں گامگیج زورگ بیت۔ جندی شعبہ پاکستان ءِ دیمروئی ءِ تہا ھاسیں کرد ءَ پیلو کنگ ءَ انت ۔ مارا ڈالر ءِ معیشت ءِ نیمگ ءَ روگی اِنت۔ ورنا یک نوکیں معیشت ءِ لوٹ ءِ رد ءَ ھنر ءَ گوں لیس کنگ بوھگ ءَ انت۔ امن ءِ واستہ پاکستان ءَ بازیں قربانی داتگ۔ دژمن راستی ءِ جنگ ءَ پاکستان ءِ سوبمندیاں ہضم کنگ ءَ نہ اِنت۔ بھارت راستی ءِ جنگ ءَ ءُ شکست ءَ پد غیر روایتی جنگ ءَ کنگ ءَ اِنت۔ مارا فتنہ الهندستان ءِ نیمگ ءَ بندات کتگیں ناشرکاری ءِ لہر ءِ دیمپانی کنگی اِنت۔ رسانکدر ءِ ذمہ واری انت کہ آ لس مھلوک ءَ را جھان ءِ جاور ھال ءِ بابت ءَ سرپد بہ کنت۔ حکومت ساپ ءُ سستی ءُ پائیدار توانائی ءِ دیمروئی ءِ واستہ جوانیں گامگیج زورگ ءَ انت۔ نوکیں ٹیکنالوجی ءُ معتبریں بجلی ءِ رسگ ءِ ھاتر ءَ صنعتی دیمروئی ءِ ھاتر ءَ المی انت۔ حکومت کاروبار دوستیں چاگرد ءِ جوڑ کنگ ءُ سرمایہ کاری ءَ را دیمروئی دیگ ءِ واستہ اصلاحات ءِ سر ءَ عمل کنگ ءَ اِنت۔ حکومت ءَ ایف بی آر ءِ تہا اصلاحات ءِ سرا باز کار کتگ۔ اے ھیالانی درشانی آئی ءَ شمبے ءِ روچ ءَ ایکسپو سینٹر ءَ ماڈرن الیکٹرک وہیکلز، انرجی پاکستان ءِ نمائش ءَ ھاسیں مہمان ءِ بستار ءَ گشتانک دیان ءَ کت۔ احسن اقبال ءَ گوشت کہ پاکستان ءِ اقتصادی آجوئی ءُ برجمیں دیمروئی ءِ برآمدات آنی تہ ءَ مزنیں گیشی ءِ سر ءَ بندوک اِنت، ملک ءَ را ترندیں رنگ ءَ درآمدات ءِ سر ءَ بنیات ءِ معیشت ءَ چہ برآمدات ءِ سر ءَ بنیات ءِ معیشت ءِ نیمگ ءَ رھادگ بوھگی اِنت۔ آئی ءَ گوشت کہ مئے ٹرانسپورٹ ءِ شوبگ ءَ ای وی ءِ ترندی ءَ گوں کارمرد کنگ ءُ دو پہہ، سئے پہہ ءُ چار پہہ ءِ گاڑی آناں مرحلہ وار رنگ ءَ الیکٹرک انرجی ءِ تہ ءَ شِفٹ کنگ المی اِنت۔ اے درگت ءَ سرکار ءَ جتاجتائیں گامگیجانی جار جتگ ۔ حکومت ءَ 10کروڑ کلدار ءَ تاں سبسڈی ءِ ھوار جتا جتائیں ترغیب داتگ۔ الیکٹرک موٹر سائیکل آنی دیمروئی ءِ واستہ 80ہزار کلدار داتگ وھدے کہ گوستگیں بجٹ ءَ ای وی گاڑی آنی سر ءَ ڈیوٹی ھم کم کنگ بوتگ تانکہ آ ملک ءَ گیش ءَ چہ گیش دیم ءَ آرگ بہ بنت۔ آئی ءَ گوشت کہ پاکستان ءَ 6 ءَ چہ 8 ھزار میگاواٹ سولر توانائی ءِ وسیلگ ءَ بجلی ءِ شوبگ ءَ انرجی بفر جوڑ کتگ۔ نوں درآمدیں تیل ءِ سر ءَ انحصار ءَ را کم کنگ ءُ ٹرانسپورٹ ءِ واستہ ملکی پیداوار ءِ بجلی ءَ را کارمرد کنگ ءِ ضلورت اِنت۔ آئی ءَ سرجمیں صنعت ءَ را ھم جست کتگ ءُ اودان پاکستان ءِ چیر دستی ءَ حکومت ءِ ھم یک ھاسیں اولویت ءِ ھست۔ وفاقی وزیر ءَ گوشت کہ پاکستان پاکستان ءِ آیوکیں باندات مئے ایکسپورٹ ءِ گنجائش ءِ سر ءَ بندوک انت۔ آئی ءَ گوشت کہ نوں پاکستان ءَ را زوت کھپت بنیات ءِ معیشت ءَ چہ ڈالر کمائینگ ءِ معیشت ءِ نیمگ ءَ رھادگ بوھگی انت۔ احسن اقبال ءَ گوشت کہ پاکستان ءَ 2035 ءَ تاں 100 ارب ڈالر ءَ چہ گیش برآمد کنگ ءِ ٹارگٹ پیلو کنگی اِنت ملک ءِ اقتصادی آجوئی ایشی ءِ سر ءَ بندوک اِنت کہ ما ءُ برآمدات ءَ را لوٹ اتگیں رفتار ءَ گیش کت کن ایں یا نہ۔ ہر تاجر ءَ ءُ کرد پیلو کنگی اِنت کہ آ برآمد کنوک بہ بیت۔ آئی ءَ گوشت کہ حکومت ءِ اولی ترجی پالیسی آنی تہ ءَ تسلسل آرگ ءُ برآمدات آنی تہ ءَ گیشی ءِ واستہ جندی شوبگ ءَ را سرجمی ءَ کمک پجاری کنگ اِنت۔ پاکستان ءِ ای وی ءِ شوبگ ءَ ھم جھان ءِ تک ءَ نامداریں جاہ ءِ ھاترا گنجائش ھست، البت انوگیں برآمدات ءِ کساس ءَ کم چہ کم دہ گناہ گیش کنگ ءِ ضلورت اِنت۔ ٹیکس اصلاحات ءِ حوالہ ءَ وفاقی وزیر ءَ گوشت کہ ایف بی آر سسٹم ءَ را ڈیجیٹل کنگ ءِ واستہ مزنیں کچ ءُ کساس ءَ اصلاحات کنگ بوتگ تانکہ ٹیکس ءِ جائزہ ءِ تہ ءَ انسانی مداخلت کم چہ کم بہ بیت ءُ مصنوعی ذہانت ءِ کارمردی ءَ چہ ٹیکس سسٹم ءَ را گیش شفاف جوڑ کنگ ءُ اے شکایت آناں مزنیں کساس ءَ دور کنگ ءَ کمک رس ایت۔ آئی ءَ گوشت کہ پاکستان ءِ ٹیکس ٹو جی ڈی پی ءِ تناسب 9.5درسد ءِ کساس ءَ اِنت وھدیکہ مئے دیمروئی کنوکیں ملک آنی تہ ءَ اے شرح 14 ءَ چہ 16درسد اِنت۔ احسن اقبال ءَ گوشت کہ ٹیکس چوری ءِ ھلاسی ءُ ٹیکس بنیات ءَ را گیش کنگ ناگزیر انت۔ اگاں ٹیکس ءِ چوری برجاہ بہ بیت ءُ ما ءُ بہر ءِ ٹیکس ءَ مہ دئیں گڑا سرکار ءِ گور ءَ نوکیں راجمانی دیمروئی منصوبگ آنی بندات کنگ ءِ وسیلہ نیست۔ ھما کہ باقاعدگی ءَ ٹیکس دئینت آ ھم بدبھتی ءَ ٹیکس ءِ چہ رکّینگ ءِ بار ءَ برداشت کنگ ءَ اَنت۔ احسن اقبال ءَ گوشت کہ ٹیکس دہندہ سرکار ءِ گوما کمک بہ کن انت۔ ٹیکس چوری ءِ نشاندہی تعاونی رنگ ءَ کنگ بہ بیت تانکہ ٹیکس ءِ بنیات ءَ را گیش کنگ بہ بیت ءُ ٹیکس ءِ شرح ءُ الس ءِ سر ءَ بار کم کنگ بہ بیت۔ ناشرکاری ءِ ھوالگ ءَ آئی ءَ گوشت کہ وھدے ما راستی ءِ جنگ ءَ سوبمند بءُں ءُ روایتی جنگ ءِ تہ ءَ کچلیں پسو ءِ دات ءُ ءُ روایتی حریف بھارت ءَ را ھلاس کت گڑا آئی ءِ شکست ءِ تہ ءَ نوں آئی ءَ ناشرکاری ءِ وسیلگ ءَ پاکستان ءَ بزدلی ءَ گوں غیر روایتی جنگ بندات کتگ۔ انچو کہ ما روایتی جنگ ءَ ہندوستان ءَ را ہلاس کتگ، انشاءاللہ ما اے غیر روایتی جنگ ءَ آئی ءِ عزائم ءَ چہ ہلاس کنیں ءُ آئی ءِ آسراتی ءِ ہاترا ہم ہمے قسمت ءِ دیم ءَ کپیں۔ آئی ءَ گوشت کہ پاکستان سفارتکاری ءِ وسیلگ ءَ امن دوستیں ملک ءِ رنگ ءَ یک نوکیں پجار ءِ گوما دگنیا ءَ دیم ءَ اتکگ، وھدیکہ ملک ءِ معیشت ھم مزنیں وھد ءَ چہ پد برجائی ءِ نیمگ ءَ روگ ءَ انت۔ گوستگیں زمانگ ءَ تحریک انصاف ءِ دور ءَ ملک دیوالیہ بوہگ ءِ نزیک ءَ ات۔ ملک ءِ وش بھتی بوتگ کہ لہتیں روچ ءَ پد تحریک عدم اعتمادی سوبمند بوتگ ءُ ملک اے سزا ءَ چہ رک اتگ۔ اگاں نہ پاکستان ڈیفالٹ بوتگ ات، خدا مہ کنت ءُ مارا سکیں گرانیں بھا یے دیگی بوتگ ات۔ مرچی خدا ءِ شکر انت کہ مزن وزیر محمد شہباز شریف ءِ نیمگ ءَ چست کتگیں جرات مندیں گامگیجانی آسر ءَ 2018 بوتگ۔ مرچی ملک پدا دیمروی ءِ راہ ءَ انت ۔ جہانی تک ءَ تیل ءِ نرخانی تہ ءَ گیشی ءِ ھوالگ ءَ احسن اقبال ءَ گوشت کہ حکومت الس آنی سر ءَ بار کنگ نہ لوٹ ایت، البت اگاں جہانی مارکیٹ ءَ تیل ءِ نھاد گیش بوت گڈا ایشی ءِ ایڈجسٹ کنگ ناگزیر جوڑ بیت۔ آئی ئَ رسانکدر ئَ چہ دزبندی کتگ کہ گلوبل مارکیٹ ئَ تیل ئِ نہاد ئِ تہ ئَ گیشی ئِ سبب ئَ الس ئَ سرپد بہ کن اَنت۔ ہمے وھد ءَ کہ گلوبل مارکیٹ ءَ تیل ءِ نرخ کم بنت ایشی ءِ آسراتی الس ءِ سر ءَ سر کنگ بنت۔ امریکہ ءُ ایران ءِ نیام ءَ کش ءُ چیل ءِ ھوالگ ءَ وفاقی وزیر ءَ گوشت کہ جنگ ءِ اثر ایوک ءَ سیادی داروکیں ملک آنی تہ ءَ نہ بنت بلکیں سرجمیں دگنیا ءِ معیشت ءُ عام مردم ءَ را تاوان دنت، پرچا کہ اے جنگ ءِ بھا ایوک ءَ امریکہ ءُ ایران ءَ نہ داتگ، 193 ملک آنی معیشت ھم اے جنگ ءِ بھا ءَ ادا کنگ ءَ اَنت ءُ اے ملک ھم اے جنگ ءِ اثر ءَ چہ آھاں دیم ءَ آرگ ءَ اَنت۔ تیل ءِ نرخانی تہ ءَ گیشی ءَ چہ سرجمیں دگنیا ءَ افراط زر گیش بیت پمیشکا امن ءِ برجائی ءِ تہ ءَ میاں اوستمانی براتی ءَ را جوانیں کرد پیلو کنگی اِنت۔ آئی ءَ اے امیت سہرا کت کہ امریکہ ءُ ایران گپ ءُ تران ءُ معاہدہ آنی نیمگ ءَ پدا کاینت تانکہ خطہ ءَ امن بیئگ بہ بیت ءُ جھان ءِ معیشت ءَ را گیشیں تاوان ءَ چہ رکھینگ بہ بیت۔