نائب مزن وزیر ءَ بیلاروس ءِ دری کارانی وزیر ءَ گوں گند ءُ نند کتگ، دو نیمگی سیادی ءِ بابت ءَ گپ ءُ تران

اسلام آباد۔25جولائی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ شنگھائی کوآپریشن آرگنائزیشن کونسل ءِ دری کارانی دیوان ءِ ساھت ءَ بیلاروس ءِ درئی کارانی وزیر میکسم ریزنکوف ءَ گوں گند ءُ نند کتگ، ایشی ءِ تہ ءَ دو نیمگی سیادی ءِ سر ءَ گپ ءُ تران کنگ بوتگ۔ شمبے ءِ روچ ءَ درئی کارانی کارگس ءِ رد ءَ دوئیں نیمگ ءَ پاکستان ءُ بیلاروس ءِ نیام ءَ دو نیمگی سیادی آنی سر ءَ چار ءُ تپاسی کتگ ءُ جتا جتائیں پڑ آنی تہ ءَ کمک ءَ را گیش مھکم کنگ ءِ واستہ ءُ جزم ءِ سر ءَ پدا زور داتگ۔ ایشاں مزن تک ءِ رابطہ آنی برجاہ دارگ ءُ پاکستان ءُ بیلاروس ءِ یکجائی وزارتی کمیشن ءِ نوہمی دیوان ءِ 11-12اگست ءَ پاکستان ءِ میزبانی ءَ اسلام آباد ءَ برجم دارگ ءِ واستہ ھم ءُ امیت آنی درشان کت۔ دوئیں رہشون آں اقتصادی ءُ تجارتی کمک ءَ را گیش کنگ ءِ راہ آنی سر ءَ تران کت، دفاع، کشت ءُ کشاری، ٹیکنالوجی ءُ مردمی قوت ءِ تبادلہ ءِ پڑ آنی تہ ءَ کمک ءَ را گیش گیش کنگ ءِ سر ءَ تران کت ءُ جامع کمک ءِ روڈ میپ (2025-2027) ءِ سر ءَ ءُ عزم ءِ پدا پدر کت۔ دوئیں وزیرانی درئی کار ءَ دمگی جاور ھال ءُ وت مہ ءُ ھب ءُ واھگ ءِ جیڈھ آنی سر ءَ ھم ھیال ریچی کت ۔ درئی کارانی وزیر ریزنیکوف ءَ امریکہ ءُ ایران ءِ جاور ھال ءِ وھد ءَ گپ ءُ تران ءِ دیمروئی ءِ تہ ءَ پاکستان ءِ جوڑیشت ءِ کرد ءِ توسیپ کت ءُ دمگ ءَ امن ءُ ایمنی ءِ دیمروئی ءِ واستہ پاکستان ءِ برجاھیں کوشست آنی توسیپ کت۔