داخلہ ءِ وزیر مملکت طلال چوہدری ءَ اسلام آباد ماڈل جیل ءِ تر ءُ تاب کتگ، برجاھیں جوڑیشت ءِ کارانی چار ءُ تپاسی

اسلام آباد۔25جولائی  (اے پی پی): وزیر مملکت ءِ تہی کار طلال چوہدری ءَ اسلام آباد ماڈل جیل ءِ تر ءُ تاب کتگ ءُ اسلام آباد ماڈل جیل ءِ برجاھیں جوڑیشت ءِ کار آنی دیمروئی ءِ سر ءَ سرجمی ءَ چار ءُ تپاسی کتگ۔ شمبے ءِ روچ ءَ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وزیر ءِ تہی کار طلال چوہدری ءَ گوشت کہ اسلام آباد ماڈل جیل وفاقی وزیر داخلہ محسن نقوی ءِ اولی منصوبگ اِنت۔ آئی ءَ گوشت کہ سال آنی تہ ءَ اسلام آباد ماڈل جیل منصوبگ ءِ سر ءَ استیں حکومت ءِ نیمگ ءَ عمل کنگ بوتگ ءُ استیں حکومت ءَ اسلام آباد ماڈل جیل منصوبگ ءِ سر ءَ ترندی ءَ گوں کار بندات کتگ۔ طلال چوہدری ءَ گیش گوشت کہ مزن وزیر محمد شہباز شریف ءُ تہی کارانی وزیر محسن نقوی ءِ سروکی ءَ دیمروئی منصوبگ ریکارڈ ءِ سروکی ءَ سرجم کنگ بوھگ ءَ انت۔ وزیر مملکت ءَ سیادی داروکیں ادارگ آناں پرمان دات کہ آ منصوبگ ءِ وھد ءِ سر ءَ سرجمی ءِ واستہ کار ءِ رفتار ءَ را گیش تیز بہ کن اَنت ءُ گوشت کہ کار ترندی ءَ گوں سرجم کنگ بہ بیت، بلے کوالٹی ہر قیمت ءَ برجم دارگ بہ بیت۔ اے موہ ءِ سر ءَ وزیر ءِ مملکت ءَ را ماڈل جیل ءَ جاری دیمروئی کار آنی برجائی ءِ ھوالگ ءَ سرجمیں بریفنگ دیگ بوت۔ تر ءُ تاب ءِ وھد ءَ سی ڈی اے ءِ ھمگرنچیں کارندہ ھم ساڑی بوتگ اَنت۔